No Bake Cheesecake : ओव्हन आणि बेकिंगची गरज नाही, ख्रिसमससाठी 3 स्वादिष्ट चीजकेक! पाहा रेसिपीज

कमी साहित्य, कमी मेहनत आणि तरीही रेस्टॉरंटसारखी चव, हे या डेझर्टचं खास वैशिष्ट्य आहे. विशेष म्हणजे हे चीजकेक आधीच तयार करून फ्रिजमध्ये ठेवता येतात. त्यामुळे ख्रिसमसच्या दिवशी तुम्ही निवांतपणे सेलिब्रेशनचा आनंद घेऊ शकता. म्हणूनच यंदाच्या ख्रिसमस सेलिब्रेशनसाठी आम्ही घेऊन आलो आहोत 3 सोप्या, चविष्ट आणि No Bake Cheesecake रेसिपी. हे केक लहानांपासून मोठ्यांपर्यंत सर्वांना नक्कीच आवडतील.

advertisement

ओरिओ बिस्किट्स चीजकेक

साहित्य

- ओरिओ बिस्किट्स

- क्रीम चीज

- वितळलेले बटर

- पिठीसाखर

- व्हाइट चॉकलेट चिप्स

कृती

ओरिओ बिस्किट्स बटरसोबत बारीक करून बेस तयार करा. क्रीम चीज आणि साखर फेटून घ्या. व्हाइट चॉकलेट वितळवून मिश्रणात घाला. हे मिश्रण बिस्किट्सच्या बेसवर ओता आणि वरून ओरिओ क्रशने सजवा. रात्रभर फ्रिजमध्ये ठेवा. चॉकलेट प्रेमींसाठी हा चीजकेक खास आहे. ओरिओ बिस्किट्सचा खमंग बेस आणि वर क्रीमी चीजकेक लेयर याची चव अप्रतिम लागते.

चॉकलेट हॅझलनट स्प्रेड चीजकेक

साहित्य

- फ्रेश क्रीम

- क्रीम चीज

- आयसिंग साखर

- व्हॅनिला इसेन्स

- न्यूटेला

- हॅझलनट चॉकलेट स्प्रेड

- डाइजेस्टिव्ह बिस्किट्स

कृती

फ्रेश क्रीम हलकी गरम करा. क्रीम चीज, साखर आणि व्हॅनिला एकत्र ब्लेंड करा. त्यात गरम क्रीम आणि वितळलेले न्यूटेला-हॅझलनट स्प्रेड मिसळा. बिस्किट्सचा बेस करून त्यावर हे मिश्रण ओता आणि फ्रिजमध्ये सेट होण्यासाठी ठेवा. न्यूटेला आणि हॅझलनट चॉकलेट स्प्रेडची चव आवडणाऱ्यांसाठी हा चीजकेक परफेक्ट आहे.

क्लासिक चॉकलेट नो-बेक चीजकेक

साहित्य

- बिस्किट्स

- बटर

- डार्क चॉकलेट

- क्रीम चीज

- सॉर क्रीम

- कोको पावडर

कृती

बिस्किट्स आणि बटर मिसळून बेस तयार करा. डार्क चॉकलेट वितळवा. क्रीम चीज फेटून त्यात वितळलेले चॉकलेट आणि सॉर क्रीम घाला. हे मिश्रण बेसवर पसरवा आणि फ्रिजमध्ये ठेवा. सर्व्ह करताना वरून कोको पावडर भुरभुरा.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.