Valentines Day ला खिशाला कात्री, गुलाबाला सोन्याचं मोल, किती मोजावे लागणार? Video

व्हॅलेंटाईन डेच्या काळात गुलाबाच्या बाजारात मोठी उलाढाल पाहायला मिळत आहे. एरवी 10 रुपयांना मिळणारे फूल आता 40 ते 50 रुपयांना विकले जात आहे. या बाजारभावाबाबत शशिकांत सुक्रे यांनी लोकल 18 ला माहिती दिली.

फेब्रुवारी महिन्याची सुरुवात होताच गुलाबाच्या बाजारभावात मोठी वाढ पाहायला मिळाली. फेब्रुवारी हा महिना प्रेमाचा मानला जातो. या महिन्यांत अनेक डे साजरे केले जातात. आपल्या प्रियकर किंवा प्रियसीसाठी अनेकजण गुलाबाचे फूल खरेदी करतात, त्यामुळे फुलांच्या किमतीत साधारण 25 ते 30 टक्क्यांची वाढ होते. तसेच, या काळात जगभरात गुलाबाच्या फुलाची मागणी मोठ्या प्रमाणात असते ज्यामुळे फुलाचा तुटवडा निर्माण होतो आणि बाजारभाव आणखी वाढतो, असे शशिकांत सांगतात.

दरम्यान, गुलाबाचे दर वाढल्याने व्हॅलेंटाईन डे साजरा करणाऱ्यांच्या खिशाला चांगलाच फटका बसणार आहे. मात्र शशिकांत सुक्रे यांनी सांगितले की, व्हॅलेंटाईन डे नंतर गुलाबाच्या किमतीत घट होऊन पुन्हा ते परवडणाऱ्या किमतीत उपलब्ध होईल.