TRENDING:
काहींना सकाळी उठल्यावर डोकं जड झाल्यासारखं वाटतं. भुवयांच्या मधे दुखतं. याचं कारण झोपेचा अभाव आणि त्यामुळे होणारं न्यूरो-हार्मोनल असंतुलन असू शकतं. डोळ्यांच्या वरचा भुवयांचा भाग फ्रंटल सायनस आणि ट्रायजेमिनल नर्व्हशी जोडलेला असतो.
Dark Shower : डार्क शॉवरचा ट्रेंड का चर्चेत ? डार्क शॉवरमुळे काय होतं ?
झोप अपुरी असते तेव्हा, भुवयांच्या मधे तीव्र वेदना होतात, ज्यामुळे मेंदूमधे असलेल्या सेरोटोनिन आणि मेलाटोनिन हार्मोन्सचं संतुलन देखील बिघडतं. ज्यामुळे डोकेदुखीसह डोळ्यांच्या स्नायूंवर ताण वाढतो.
advertisement
शरीरात वात वाढल्यानं असे परिणाम जाणवू शकतात. शरीरात वात वाढणं आणि झोपेची कमतरता हे एकमेकांशी संबंधित असल्याचं आयुर्वेदात म्हटलंय. शरीरात वात वाढतो तेव्हा झोपेवर परिणाम होतो आणि
झोपेचा अभाव संपूर्ण मज्जासंस्थेवर परिणाम करतो, ज्यामुळे डोकेदुखी, वेदना आणि डोळ्यांमधे जडपणा येतो. आयुर्वेदात या समस्येवर अनेक सोपे उपाय सांगण्यात आलेत.
नस्य पद्धत - पहिली पद्धत म्हणजे नस्य पद्धत. रात्री झोपण्यापूर्वी नाकात शुद्ध तुपाचे काही थेंब टाका. यामुळे नाक बंद होणं कमी होतं आणि श्वास घेण्यास त्रास कमी होतो.
तळव्याचं मालिश - पायांच्या तळव्यांवर अनेक प्रेशर पॉइंट्स असतात जे शरीराला अनेक फायदे देतात आणि यामुळे झोपण्यास मदत होते. रात्रीच्या वेळी तळव्याला मालिश केल्यानं थकवा कमी होतो आणि विषारी पदार्थ बाहेर पडतात.
Diabetes : मधुमेहींसाठी धोक्याची घंटा, व्यायाम करा, हृदयविकाराला दूर रोखा
डोकेदुखी कमी करण्यासाठी ब्राह्मी किंवा जटामान्सी देखील वापरण्याची शिफारस केली जाते. यामुळे, मन शांत होतं आणि सहज आणि शांत झोप येते.
याव्यतिरिक्त, त्रिफळा पाण्यानं डोळे धुतल्यानं देखील आराम मिळतो. त्रिफळा थंड पाण्यात मिसळून डोळे धुण्यानं डोळ्यांचा थकवा कमी होईल.
रात्रीच्या वेळी हळद, काळी मिरी आणि जायफळ घातलेलं दूध प्यायल्यानं झोप येते आणि मन शांत होण्यास मदत होते. रात्रीच्या वेळी हे दूध प्यायल्यानं शरीर आणि मनाला शांती मिळते आणि शरीराला ऊर्जा मिळते.