Health Tips : रात्री झोपण्याच्या किती वेळ आधी पाणी प्यावं? पाण्याबाबतचे हे नियम तुम्हाला माहित हवेच..

पाणी पिणं हे काही काम किंवा कौशल्य नाही. पाणी कसं प्यावं हे कोणाला शिकवावं लागत नाही. प्रत्येक जण पाणी कसं प्यावं हे आपोआपच शिकतो. पाण्यामुळे शरीरावर प्रतिकूल आणि अनुकूल परिणाम होतो. योग्य वेळी पुरेसं पाणी प्यायलं नाही तर तब्येत बिघडू शकते. रात्रीच्या वेळी आपण किती प्रमाणात पाणी पितो याकडे लक्ष दिलं नाही तर आरोग्यावर परिणाम होतो आणि झोपेचं गणित देखील बिघडतं. त्यामुळे पाणी पिण्याची योग्य वेळ आणि पद्धत माहिती हवी.

advertisement

चहा-कॉफी पिण्यापुर्वी नक्की प्या हे पेय, अजिबात होणार नाही अ‍ॅसिडिटीचा त्रास..

शरीर जर हायड्रेटेड असेल तर आरोग्य चांगले राहते. जर तुम्हाला रात्रीच्या वेळी जास्त तहान लागल्यासारखं वाटत असेल किंवा तुम्ही घाम जास्त येणाऱ्या ठिकाणी झोपत असाल तर अशावेळी झोपण्यापूर्वी काही वेळ पाणी पिऊ शकता. तुम्ही जर पाणी पिणं टाळलं तर आरोग्यावर प्रतिकूल परिणाम होऊ शकतो.

पाणी पिण्याच्या वेळेचा झोप आणि युरिनरी सायकलवर परिणाम होत असतो. रात्री झोपण्यापूर्वी पाणी पिण्याची योग्य वेळ म्हणजे जेवणापूर्वी अर्धा तास होय. ही वेळ सर्वोत्तम मानली जाते. पण जर तुम्ही जेवल्यानंतर दीड ते दोन तासांनी झोपणार असाल तर ही वेळ योग्य ठरते. रात्री झोपताना एकदम पाणी पिणं अयोग्य असल्याचं मानलं जातं. झोप मोडू म्हणून झोपण्याआधी दीड तास पाणी प्यावं.

दुपारी जेवल्यानंतर थकवा का जाणवतो? आहारतज्ञांनी सांगितलं कारण आणि उपाय

एकदम थंडगार पाणी पिणं टाळावं. कारण थंड पाणी आरोग्यासाठी प्रतिकूल ठरू शकतं. त्याऐवजी रात्रीच्या वेळी कोमट पाणी प्यायल्यास शरीर डिटॉक्स होतं. शरीरात साठलेले विषारी घटक बाहेर टाकण्यासाठी कोमट पाणी पिणं फायदेशीर ठरतं.

(इथं दिलेली माहिती तज्ज्ञांशी केलेल्या चर्चेवर आधारित आहे. ही एक सामान्य माहिती आहे. कोणताही व्यक्तीगत सल्ला नाही. आपण कोणत्याही पदार्थाचं सेवन करण्याआधी याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी न्यूज18 मराठी जबाबदार नसेल.)