आता प्रश्न असा आहे की, जर आपण एक महिना आपला फोन अजिबात पाहिला नाही, तर काय होईल? याचा आपल्या शारीरिक आणि मानसिक आरोग्यावर (Physical and Mental Health) होणारा परिणाम जाणून घेऊया...
30 दिवसांचा 'डिजीटल डिटॉक्स' आणि त्याचे फायदे
1) मानसिक ताण कमी होतो
आपले फोन सोशल मीडिया, बातम्या आणि कामाच्या अपडेट्सने भरलेले असतात, ज्यामुळे आपल्याला सतत चिंता आणि ताण (anxiety and stress) येतो. फोनवरून येणारे सततचे नोटिफिकेशन्स आपल्या मानसिक स्थितीवर परिणाम करतात. एक महिना फोनपासून दूर राहिल्यास मानसिक शांती मिळू शकते आणि ताण-चिंता कमी होण्यास मदत होते.
advertisement
2) झोप आणि डोळ्यांचे आरोग्य सुधारेल
रात्री उशिरापर्यंत फोनच्या स्क्रीनकडे पाहिल्याने त्यातील ब्लू लाईटमुळे झोपेची गुणवत्ता कमी होते. एक महिना फोन टाळल्यास तुमच्या झोपेच्या पद्धती सुधारतात. तसेच, जास्त फोन वापरल्याने होणारा डोळ्यांचा थकवा, जळजळ (ज्याला स्मार्टफोन व्हिजन सिंड्रोम म्हणतात) कमी होतो आणि दृष्टी सुधारेल.
3) शारीरिक हालचाल वाढेल
फोनपासून दूर राहिल्याने तुम्हाला शारीरिक ॲक्टिव्हिटीमध्ये जास्त सहभागी होण्याची संधी मिळते. फोनशिवाय तुम्ही बाहेर जास्त वेळ घालवू शकता, व्यायाम करू शकता आणि कुटुंब व मित्रांसोबत वेळ घालवू शकता. यामुळे शारीरिक हालचाल वाढून वजन नियंत्रणात राहण्यास मदत होते.
4) मानसिक लक्ष आणि उत्पादकता वाढेल
नोटिफिकेशन्स आणि मेसेजेसमुळे आपले लक्ष सतत विचलित होते, ज्यामुळे कामात दिरंगाई होते. एक महिना फोन टाळल्यास तुमची एकाग्रता (mental focus) आणि उत्पादकता (productivity) वाढू शकते. तुम्ही विचलित न होता तुमच्या कामांवर अधिक प्रभावीपणे लक्ष केंद्रित करू शकता.
5) सामाजिक संवाद सुधारेल
आजकाल बहुतेक लोक त्यांचे सामाजिक जीवन फोन आणि सोशल मीडियाद्वारे व्यवस्थापित करतात. मात्र, फोनपासून दूर राहिल्यास तुम्हाला तुमच्या खऱ्या मित्रांसोबत आणि कुटुंबासोबत जास्त वेळ घालवता येतो. या काळात तुम्ही प्रत्यक्ष भेटीगाठी आणि संवाद साधून तुमचे संबंध मजबूत करू शकता, ज्यामुळे अधिक भावनिक समाधान मिळते.
हे ही वाचा : Drumstick Pickle : तुम्ही कधी शेवग्याच्या शेंगांचं लोणचं खाल्लंय? मधुमेह, लठ्ठपणा, हाडांसाठी फायदेशीर..
हे ही वाचा : फक्त 30 कॅलरीज आणि 90% पाणी! पोट भरेल, भूक लागणार नाही, 'ही' 3 फळे तुमच्या वेट लॉससाठी आहेत वरदान