TRENDING:
दरम्यान, त्यांनी अजित पवारांच्या विमानाचं उड्डाण घेण्याआधी काय झालं? याबाबतचा खुलासा केला आहे. विमानाचे मालक व्हीके सिंग यांनी दृश्यमानता कमी असताना देखील विमानाचं टेक ऑफ करण्याचा आदेश दिला होता, असा आरोप केला आहे. तू आधी टेक ऑफ घे, बाकी नंतर बघून घेऊ, असा थेट आदेश व्हीके सिंगने पायलटला दिला होता, असा नवा आरोप रोहित पवारांनी केला आहे. यामुळे आता या प्रकरणाला नवं वळण मिळण्याची शक्यता आहे. दिल्लीत पत्रकारांशी बोलताना रोहित पवारांनी हा नवा आरोप केला आहे.
advertisement
यावेळी रोहित पवार म्हणाले की, ज्यावेळी अजित पवारांचं विमान उड्डाण घेण्यासाठी सज्ज झालं होतं. तेव्हा वातावरणात दृश्यमानता कमी होती. ही बाब पायलटने व्हीके सिंग यांना कळवली होती. पण सिंग याने पायलटला टेक ऑफ करण्याचे आदेश दिले. "तू टेक ॲाफ घे, बाकी नंतर आपण बघू" असं व्हीके सिंगने पायलटला म्हटल्याचा दावा रोहित पवारांनी केला आहे. मात्र याबाबत कोणताही पुरावा त्यांनी सादर केला नाही.
रोहित पवार पुढे म्हणाले, पायलटच्या रक्तात दारू किंवा विष काहीच नव्हतं. मग पायलटवर दबाव होता का? व्ही के सिंग ला का वाचवलं जातंय? अजितदादांचं विमान पडलं की पाडलं गेलं? याचं उत्तर आम्हाला हवंय. व्ही के. सिंग कुणाचं तरी नाव घेईल, म्हणून त्याला वाचवलं जातंय का? असा सवालही त्यांनी विचारला. रोहित पवारांच्या नव्या आरोपांमुळे आता हे प्रकरण आणखी पेटण्याची शक्यता आहे.