संभाजीनगमध्ये इम्तियाज जलील यांच्या गाडीवर हल्ला, कलीम कुरेशी चर्चेत, आहेत तरी कोण?

छत्रपती संभाजीनगरमधील बायजीपुरात राडा झाल्याची घटना समोर आली आहे. एमआयएम नेते इम्तियाज जलील यांची पदयात्रा संपल्यानंतर त्यांच्या कारवर हल्ला करत त्यांचा हात ओढत त्यांना मारहाण करण्याचा प्रयत्न करण्यात आला. या हल्ल्याचा व्हिडीओ देखील समोर आला आहे.

कोण आहे कलीम कुरेशी?

कलीम कुरेशी हा प्रभाग 9 मधून वंचितचा उमेदवार आहे आणि 14 मधून काँग्रेसचा उमेदवार आहे. कलीम कुरेशींनी इम्तियाज जलील यांच्यावर पूर्ववैमनस्यातून हल्ला केल्याचा आरोप एमआयएम कार्यकर्त्यांनी केला आहे. या हल्ल्याच्या घटनेवर काँग्रेसचे उमेदवार कलीम कुरेशी यांनी खळबळजनक दावा केला आहे. जलील यांनी पैसे घेऊन तिकीट विकल्यामुळे कार्यकर्ते नाराज आहेत. हा हल्ला त्यांच्याच माणसांनी केला असून सहानुभूती मिळवण्यासाठी जलील यांनी स्वतःवर हल्ला घडवून आणला आहे, असा आरोप कुरेशी यांनी केला. या हल्ल्याशी आमचा कोणताही संबंध नसल्याचेही त्यांनी स्पष्ट केले.

advertisement

आरोप-प्रत्यारोपांच्या फैरी झाडल्या

इम्तियाज जलील यांची पदयात्रा झाल्यावर जात असताना छत्रपती संभाजीनगर महापालिकेतील काँग्रेस आणि वंचितचे उमेदवार कलीम कुरेशी यांच्या कार्यकर्त्यांकडून इम्तियाज जलील यांच्या थारवर हल्ला करण्यात आला. यावेळी थारमध्ये पुढच्या सीटवर बसलेल्या इम्तियाज जलील यांचा हात ओढून चार जणांनी मारहाण करण्याचा प्रयत्न केला. या घटनेमुळे शहरात काही काळ तणावाचे वातावरण होते. पोलिसांनी सध्या बायाजीपूरा भागात कडक बंदोबस्त तैनात केला असून दोन्ही बाजूने आरोप-प्रत्यारोपांच्या फैरी झाडल्या जात आहेत.

हे ही वाचा :

मोठी बातमी! इम्तियाज जलील यांच्या थार गाडीवर हल्ला, मारहाणीचा Video समोर; संभाजीनगर हादरलं