गुढीपाडव्याचा थरारक सोहळा, 73 फूट उंचीच्या खांबावर चढून काढले जुने कापड, अमरावतीमधील परंपरा काय?

गुढीपाडव्याच्या दिवशी या खांबांवर झेंडे चढवण्याचा अनोखा सोहळा पार पडतो. सुमारे सातशे वर्षांची परंपरा असलेल्या या विधीत चरणदास कांडलकर दोरखंडाच्या साहाय्याने 73 फूट उंच खांबांवर चढून जुने कापड काढतात आणि नवीन चढवतात. ही दोन तासांची कसरत पाहण्यासाठी दरवर्षी पाच ते सहा लाख भाविकांची गर्दी उसळते.

मंदिरासमोरील हे सागवानाचे खांब गडचिरोलीच्या जंगलातून आणण्यात आले आहेत. तीन-चार शतके टिकणारे हे खांब मंदिराच्या परंपरेचं प्रतीक मानले जातात. या ठिकाणी मानसिक रुग्णांना आश्रमात ठेवून उपचारासारखी सेवा दिली जाते. सव्वा महिन्यात त्यांच्यात सकारात्मक बदल होतो, असा अनेकांचा विश्वास आहे. गुढीपाडव्यापासून रामनवमीपर्यंत येथे मोठी यात्रा भरते. तसेच दसऱ्यालाही मोठ्या प्रमाणावर भाविकांची उपस्थिती असते. श्रद्धा, परंपरा आणि अनोख्या रीतिरिवाजांमुळे सावंगा विठोबा हे ठिकाण आजही भाविकांसाठी विशेष आकर्षण ठरत आहे.