IPL 2026 : वैभव सूर्यवंशीच्या टीमसाठी वाईट बातमी, आयपीएलआधीच स्टार खेळाडूने साथ सोडली

आयपीएल 2026च्या हंगामाला सुरुवात होण्यापूर्वीच राजस्थान रॉयल्स संघासमोर एक मोठे आव्हान उभे राहिले आहे.कारण इंग्लंडचा अष्टपैलू खेळाडू सॅम करन मांडीच्या संभाव्य दुखापतीमुळे तो स्पर्धेतून बाहेर झाला आहे.त्यामुळे ते आपल्या नवीन फ्रँचायझीकडून हा हंगाम खेळू शकणार नाही.

सॅम करनने आपला शेवटचा सामना हा 5 मार्च 2026 रोजीच्या टी20 वर्ल्डकप स्पर्धेत खेळला होता.जिथे उपांत्य फेरीत इंग्लंडचा पराभव अंतिम विजेत्या भारताकडून झाला होता.

दरम्यान 2019 मध्ये पंजाब किंग्स संघाकडून आपल्या कारकिर्दीला सुरुवात केल्यानंतर, करन आयपीएलमध्ये प्रतिनिधित्व करणारी आरआर ही तिसरी फ्रँचायझी ठरली असती. त्यानंतर करन 2020 आणि 2021 मध्ये सीएसकेकडून खेळला, आणि 2023 मध्ये 18.5 टी रुपयांना लीगचा सर्वात महागडा खेळाडू म्हणून पीबीकेएसमध्ये परतला, आणि 2024 मध्ये पुन्हा त्यांच्यासाठी खेळला.आयपीएल 2025 साठी सीएसकेने करनला 2.4 कोटी रुपयांना परत विकत घेतले, ज्यात त्याने पाच सामन्यांमध्ये 114 धावा आणि केवळ 1 विकेट घेतली होती.

दरम्यान आता करनच्या जागी राजस्थान रॉयल्स आता कोणाला संघात घेणार आहे,यावर अद्याप कोणतीही पुष्टी झालेली नाही,परंतु फ्रँचायझीने काही पर्यायांचा शोध घेतल्याचे समजते. जडेजा व्यतिरिक्त, आरआरकडे डोनोव्हान फरेराच्या रूपात आणखी एक अष्टपैलू खेळाडू आहे, जो एक पॉवर-हिटर असून वेगवान ऑफस्पिन गोलंदाजीही करू शकतो. जडेजा आणि करन यांच्याप्रमाणेच, फरेरियालाही आरआरने दिल्ली कॅपिटल्सकडून 1 कोटी रुपये या त्याच्या मूळ किमतीत एका ट्रेडद्वारे खरेदी केले.