TRENDING:
पाटील चौकात खडकपुरा परिसरातील संकेत विनोद नरके (वय 21) यांचे कपड्याचे दुकान आहे. मंगळवारी दुपारी साडेबारा वाजण्याच्या सुमारास पृथ्वीराज जोगदंड आणि अमन मोटेराव हे दोघे दुकानात आले. त्यांनी काही कपडे पसंत करून पैसे न देता उधारीवर देण्याची मागणी केली. मात्र, संकेत नरके यांनी स्पष्ट नकार दिला. यावरून दोघांमध्ये वाद झाला आणि आरोपींनी संकेतला शिवीगाळ करत जीवे मारण्याची धमकी देऊन तेथून निघून गेले.
advertisement
20 तोळे सोनं, 11 लाख हुंडा; तरीही विवाहितेचा छळ, अपत्य होऊ नये म्हणून..., बीडमध्ये खळबळ
थोड्याच वेळात पृथ्वीराज आणि अमन हे आपल्या साथीदारांसह पुन्हा दुकानात परतले. यावेळी त्यांच्यासोबत वीर शिंदे आणि दोनगहू (रा. परळी वेस) हेही होते. अचानक झालेल्या या प्रकारामुळे दुकानात तणावाचे वातावरण निर्माण झाले. काही क्षणातच आरोपींनी संकेतवर हल्ला चढवला. पृथ्वीराज जोगदंड याने कोयत्याने संकेतच्या उजव्या भुवईच्या बाजूला वार केला, ज्यामुळे तो गंभीर जखमी झाला.
हल्ल्यादरम्यान अमन मोटेराव याने दगड फेकून मारल्याने संकेतचा एक दात तुटला, तर उर्वरित आरोपींनी त्याला लाथाबुक्क्यांनी मारहाण केली. अचानक झालेल्या आरडाओरड्याने परिसरातील इतर दुकानदार आणि नागरिकांनी घटनास्थळी धाव घेतली. त्यांनी हस्तक्षेप करून भांडण थांबवले आणि जखमी संकेतला उपचारासाठी रुग्णालयात दाखल करण्यात आले.
या घटनेप्रकरणी संकेत नरके यांनी अंबाजोगाई शहर पोलिस ठाण्यात तक्रार दाखल केली आहे. त्यांच्या फिर्यादीवरून चारही आरोपींविरुद्ध गंभीर स्वरूपाचे गुन्हे नोंदवण्यात आले असून, पोलिसांनी तपास सुरू केला आहे. दिवसाढवळ्या व्यापारी भागात घडलेल्या या घटनेमुळे शहरातील कायदा-सुव्यवस्थेवर प्रश्नचिन्ह उपस्थित झाले आहे.