Success Story : अवकाळी पावसाने नुकसान झालं पण हार नाही मानली, केली टरबूज शेती, 8 लाखांचा झाला नफा

बीड : बीड जिल्ह्यातील ज्ञानेश्वर चव्हाण या तरुण शेतकऱ्याने कठीण परिस्थितीवर मात करत शेतीतून उल्लेखनीय यश मिळवले आहे. फक्त दोन एकर जमिनीवर शेती करणाऱ्या ज्ञानेश्वरने यंदाच्या हंगामात दीड एकरात कापूस आणि उर्वरित अर्ध्या एकरात सोयाबीन पिकवले होते. मात्र अवकाळी पावसाच्या तडाख्यामुळे ही दोन्ही पिके पूर्णपणे पाण्याखाली जाऊन नष्ट झाली. या नुकसानीमुळे त्याच्यावर मोठा आर्थिक ताण आला आणि काही काळ तो निराश झाला.