Maratha Reservation : बीडमध्ये मराठा आंदोलन पेटले, शहरात संचारबंदी; इंटरनेट सेवाही बंद

बीड शहरामध्ये आज संचारबंदी लागू करण्यात आलेली आहे. कुठलाही अनुचित प्रकार घडू नये यासाठी पोलिसांचा चौका चौकामध्ये मोठा बंदोबस्त तैनात करण्यात आलाय. काल झालेल्या हिंसाचारानंतर आज बीडमध्ये तणावपूर्ण शांतता आहे. तर इंटरनेट सुविधा बंद करण्यात आलीय. जिल्ह्यात प्रत्येक तालुका मुख्यालयापासून पाच किमी परिसरात संचारबंदी लागू करण्यात आलीय.

Maratha Reservation : कुठे तोडफोड तर कुठे जाळपोळ, मराठा आंदोलकांच्या टार्गेटवर राजकीय नेते, घटनास्थळावरचे PHOTOS

advertisement

जिल्हाधिकाऱ्यांनी संचारबंदीच्या आदेशाचं पत्र काढलं आहे. सर्वसामान्यांना त्रास झाला तर पोलीस आता गुन्हे दाखल करून आंदोलकांवर कडक कारवाई करतील, असा इशारा बीडचे पोलीस अधिक्षक नंदकुमार ठाकूर यांनी दिला आहे. पोलिसांना बळाचा वापर करावा लागल्याची कबुलीही पोलीस अधिक्षकांनी दिली. अश्रुधुराच्या नळकांड्या फोडण्यात आल्या. रबर फायर आणि लाठीचार्ज केल्याचं पोलीस अधीक्षकांनी सांगितलं.