‘बर्थडे’च्या नावाखाली टाईमपास महागात पडणार, कार्यालयात केक कापल्यास कारवाई!

अनेक शासकीय कार्यायलांत कामाच्या संचिका तुंबलेल्या असतात. मात्र, काही अधिकारी आणि कर्मचारी शासकीय कार्यालयात वैयक्तिक समारंभ (वाढदिवस) साजरा करीत असल्याचे दिसते. हे निदर्शनास आल्यानंतर शासनाने परिपत्र काढून थेट कारवाईचा इशारा दिला.

Mount Unam Peak: हाडं गोठवणारी थंडी, श्वास घेणंही कठीण, 3 पुणेकर पोहोचले 6111 मीटर उंच शिखरावर!

काय आहे वर्तणूक नियम?

advertisement

महाराष्ट्र नागरी सेवा (वर्तणूक) नियम 1979 नुसार कार्यालयात वैयक्तिक समारंभ करता येत नाहीत. शासकीय कार्यालयात अधिकारी कर्मचाऱ्यांना देखील वाढदिवस वा इतर खासगी समारंभ साजरा करता येत नाही. जर कोणत्याही अधिकारी वा कर्मचाऱ्याने कार्यालयीन वेळेत खासगी समारंभ, वाढदिवस साजरे केल्याचे निदर्शनास आल्यास थेट कारवाईला सामोरे जावे लागणार आहे. याबाबत प्रशासनातील सर्व विभागांना परिपत्रक पाठवून सूचना करण्यात आल्या आहेत.

दरम्यान, अलीकडच्या काळात सोशल मीडियावर मिरवण्यासाठी आणि चमकोगिरीसाठी अनेकजण पब्लिसिटी स्टंट करत आहेत. त्यात वाढदिवस साजरा करताना अनेकदा जबाबदारीचे देखील भान राहत नाही. त्यामुळे सराकरी अधिकारी आणि कर्मचाऱ्यांना कार्यालयीन वेळेत ही चूक महागात पडणार आहे.