नाशिक महापालिका सत्ता स्थापनेत मोठा ट्विस्ट! शिंदे गटाच्या खेळीने ठाकरेंना आली मोठी संधी

भाजप-शिवसेना-राष्ट्रवादी-मनसे सत्तेत

नव्या सत्तारचनेनुसार भाजप, शिंदे गटाची शिवसेना, अजित पवार गटाची राष्ट्रवादी काँग्रेस आणि मनसे हे पक्ष सत्तेचा भाग असणार आहेत. या घडामोडींमुळे महापालिकेतील सत्तेचे गणित पूर्णतः भाजपच्या बाजूने झुकले आहे. विशेष म्हणजे निवडणुकीपूर्वी आणि प्रचारादरम्यान एकमेकांवर टीका करणारे हे पक्ष आता एकत्र सत्तेत बसणार आहे.

भाजपचा महापौर, शिवसेनेचा उपमहापौर

advertisement

सत्तास्थापनेच्या करारानुसार भाजपच्या हिमगौरी आडके या नाशिकच्या महापौरपदी विराजमान होणार आहेत. तर शिंदे गटाच्या शिवसेनेकडून विलास शिंदे यांची उपमहापौरपदी निवड होणार आहे.

ठाकरे गटाला विरोधी पक्षनेतेपद

नाशिक महापालिकेत सत्तेबाहेर राहिलेल्या उद्धव ठाकरे गटाच्या शिवसेनेला विरोधी पक्षनेतेपद मिळण्याचा मार्ग मोकळा झाला आहे. संख्याबळाच्या निकषांनुसार ठाकरे गट हा विरोधी बाकांवर सर्वात मोठा पक्ष ठरतो.

निवडणूकीचा निकाल काय?

अलीकडील महापालिका निवडणुकीत भाजपने सर्वाधिक ७२ जागा जिंकत आपले वर्चस्व सिद्ध केले. शिंदे गटाच्या शिवसेनेने २६ जागा जिंकल्या, तर ठाकरे गटाच्या शिवसेनेला १५ जागांवर समाधान मानावे लागले. काँग्रेसला केवळ ३ जागा मिळाल्या असून, अजित पवार गटाच्या राष्ट्रवादी काँग्रेसने ४ जागा जिंकल्या आहेत. मनसेला १ जागा मिळाली, तर एका जागेवर अपक्ष नगरसेवक निवडून आला आहे.