आधी १००० रु पगारावर शेतमजुरी केली, पण या शेतीनं श्रीकांतचं नशीब पालटलं, वर्षाला करतोय ७० कोटींची कमाई

मुंबई : जिद्द, मेहनत आणि योग्य दिशेने घेतलेले निर्णय असतील, तर साधा शेतमजूरही उद्योगविश्वात मोठी झेप घेऊ शकतो, याचा जिवंत पुरावा म्हणजे तेलंगणातील श्रीकांत बोल्लापल्ली. अत्यंत प्रतिकूल परिस्थितीतून सुरुवात करून आज फूलशेतीच्या माध्यमातून कोट्यवधी रुपयांचा व्यवसाय उभा करणारा श्रीकांत अनेक तरुण शेतकऱ्यांसाठी प्रेरणादायी ठरतो. कधीकाळी महिन्याला अवघे एक हजार रुपये पगारावर काम करणारा हा तरुण आज वर्षाला सुमारे ७० कोटी रुपयांची उलाढाल करतो आणि “करोडपती शेतकरी” म्हणून ओळखला जातो.