YouTube वर चुकून माहिती सर्च झाली,अन् डोक्यात भन्नाट आयडिया सुचली, शेतकरी झाला लखपती! असं केलं काय?

मुंबई : इंटरनेटवर माहिती शोधताना आपण अनेकदा चुकून काहीतरी वेगळंच टाइप करतो. पण कधी कधी हीच चूक आयुष्याला नवी दिशा देणारी ठरते. राजस्थानातील जयपूर जिल्ह्यातील किशनगड रेनवाल गावात राहणाऱ्या नरेंद्र सिंह गिरवा यांच्या बाबतीत असंच घडलं. एका सामान्य शेतकरी कुटुंबातून आलेल्या नरेंद्र यांनी अपयश, आर्थिक संकट आणि संघर्ष यांना सामोरं जात अखेर यशाची वेगळी वाट निवडली. आज ते मोत्यांच्या शेतीमुळे लाखोंची कमाई करत आहेत आणि इतरांसाठी प्रेरणास्त्रोत ठरत आहेत.