छत्रपती संभाजीनगरमध्ये भाजपची डोकेदुखी वाढली, तब्बल 80 जण बंडखोरीच्या तयारीत; BJP कडून 'मिशन मनधरणी'

छत्रपती संभाजीनगर : राज्यात महापालिका निवडणुकीची रणधुमाळी सुरू आहे. उमेदवारी देण्यावरून महायुतीमध्ये नाराजांची लाट आली आहे. छत्रपती संभाजीनगर महापालिकेमध्ये भाजपला याचा चांगलाच फटका बसला आहे. भाजपने स्वबळावर निवडणूक लढवण्याचा निर्णय घेतला पण इच्छुक उमेदवाराची संख्या जास्त असल्यामुळे तिकीट देण्यावरून वाद झाला आहे. आता भाजपमध्ये तब्बल ८० जणांनी बंडखोरी केल्याचं चिन्ह आहे. त्यामुळे भाजपची डोकेदुखी वाढली आहे.

advertisement

छत्रपती संभाजीनगर महापालिकेसाठी एकूण ४२ बहुसदस्यीय प्रभागात निवडणूक लढवली जात असून एकूण १२६ जागा आहे. प्रत्येक प्रभागामध्ये ३ उमेदवार निवडणूक लढवत आहे. अशातच सत्ताधारी भाजपमध्ये बंडोबांनी डोकं वर काढलं आहे.  छत्रपती संभाजीनगरमध्ये भाजप पक्षात तब्बल 80 जणांनी बंडखोरी केल्याचं चित्र आहे. आता 80 बंडखोरांना थांबवण्यासाठी भाजपकडून प्रयत्न सुरू आहे.

संभाजीनगरमध्ये सर्वाधिक बंडखोरी ही भाजपमध्ये झाली आहे. मागील दोन दिवसांपासून बंडखोरी थांबवण्याचं काम युद्धपातळीवर सुरू आहे.  आमदार संजय केणेकर आणि शिरीष बोराळकर यांच्याकडून भेटीगाठी घेत बंडोबांना थांबवण्याचे प्रयत्न सुरू आहे.  बंडोबांना थांबवण्यासाठी भाजप चांगलीच कामाला लागली आहे. बंडखोरांच्या घरी जाऊन भेटी घेऊन मनधरणी करण्याचे भाजपचे प्रयत्न सुरू आहे. आता दोन दिवसांमध्ये उमेदवारी अर्ज मागे घेतले जाणार आहे, पण त्याआधी भाजपला बंडोबांना थंडोबा करण्याचं मोठं आव्हान उभं ठाकलं आहे.

भाजप उमेदवारांची यादी