छ.संभाजीनगर पालिकेसाठी भाजपचं जुळवलं गणित, संपूर्ण उमेदवाराची यादी

छत्रपती संभाजीनगर : राज्यातील महापालिका निवडणुकीसाठी महायुतीला सर्वात जास्त नाराजीचा फटका बसला आहे. अशातच छत्रपती संभाजीनगर महापालिकेमध्ये तिकीट मिळवण्यासाठी शिवसेना आणि भाजपमध्ये इच्छुक उमेदवारांनी एकच गर्दी केली होती. त्यामुळे नाराज उमेदवारांचा भाजपला मोठा फटका बसला आहे. काही इच्छुक उमेदवारांनी भाजप कार्यालयाबाहेर उपोषण केलं तर काही इच्छुकांनी  मंत्र्यांच्या गाडीला काळं फासलं. पण, असं असलं तरी उमेदवारांची यादी जाहीर झाली आहे.

advertisement

छत्रपती संभाजीनगर महापालिका निवडणुकीमध्ये सत्ताधारी भाजप आणि शिवसेनेची युतीची चर्चा शेवटपर्यंत सुरू होती. पण काही जागांवर वाद झाल्यामुळे ऐनवेळी युती होऊ शकली नाही. त्यामुळे दोन्ही पक्ष स्वतंत्र्य निवडणूक लढवत आहे. मागील २०१५ च्या निवडणुकीमध्ये भाजपने २२ जागा जिंकल्या होत्या. भाजपने शिवसेनेसोबत सत्ता स्थापन केली होती.

पण, यावेळी शिवसेना आणि भाजप स्वतंत्र्य लढत आहे.  तर छत्रपती संभाजीनगरमध्ये भाजपचे मंत्री अतुल सावे आणि भागवत कराड यांच्यावर जबाबदारी सोपवण्यात आली आहे. काही प्रमाणात नाराज उमेदवारांची समजूत काढण्यात भाजप नेत्यांना यश आलं आहे. पण आता निवडणुकीत याचे परिणाम कसे उमटतील हे पाहण्याचं ठरणार आहे.

भाजप उमेदवारांची यादी