TRENDING:
दोन सख्ख्या बहिणी एका नर्सच्या मदतीने हे रॅकेट चालवत होत्या. त्या मागील दीड वर्षांपासून घरातच गर्भपात करत होत्या. दीड वर्षापासून सुरू असलेल्या या रॅकेटचे धागेदोरे रेकॉर्डवरील गर्भपात करणाऱ्या कुख्यात डॉक्टरांपर्यंत पोहोचले आहे. गर्भपात करण्यासाठी आरोपी महिलांकडून तब्बल ७० ते ८० हजार रुपयांचे पॅकेज सांगितलं जात होतं.
पोलीस आणि महापालिकेच्या आरोग्य अधिकाऱ्यांनी रविवारी गर्भपाताचे हे मोठं रॅकेट उघडकीस आणलं. यात वर्षा बाबासाहेब जाधव आणि उज्ज्वला विठ्ठल गायकवाड या दोघींना रंगेहात पकडलं. त्यांच्याकडे महिला रुग्णांना पाठवणाऱ्या सिल्लोडच्या डॉ. विकास मिठाराम आहेर यालाही त्याच्या रुग्णालयातून अटक केली. वर्षाची मुख्य साथीदार ज्योती पवार मात्र पसार झाली आहे. पोलीस तिचा शोध घेत आहेत.
advertisement
सिल्लोड तालुक्यातील निल्लोड येथून अटक केलेला डॉ. आहेर हा MBBS असून त्याची पत्नीही डॉक्टर आहे. पूर्वी छोटा दवाखाना चालवणाऱ्या आहेरने मागील दोन वर्षात ३ मजली इमारत उभी केली. ही इमारत गर्भपाताच्या बेकायदेशीर जमा झालेल्या पैशांतून बांधल्याचा संशय पोलिसांना आहे. पोलीस या घटनेचा सविस्तर तपास करत आहेत.