मोठी घडामोड! मुंबईत आरक्षणाची लॉटरी फुटली, ठाण्यात भाजपने बॉम्ब टाकला, थेट महापौर पदासाठी नावं केलं घोषित

ठाण्याच्या राजकारणात नवे समीकरण

ठाणे महानगरपालिका ही मुख्यमंत्री एकनाथ शिंदे यांचा बालेकिल्ला मानली जाते. त्यामुळे येथील महापौरपदाचे आरक्षण कोणत्या प्रवर्गासाठी जाहीर होते, याकडे संपूर्ण राज्याचे लक्ष लागले होते. अखेर अनुसूचित जाती प्रवर्गासाठी आरक्षण जाहीर झाल्याने आता या प्रवर्गातील नगरसेवकांपैकी कोणाला महापौरपदाची संधी मिळणार? याबाबत चर्चा सुरू झाली.

भाजपकडून महापौरपदासाठी नाव निश्चित

advertisement

आरक्षण सोडत जाहीर होताच भाजपने वेगाने हालचाली करत महापौरपदासाठी आपल्या उमेदवाराच्या नावावर शिक्कामोर्तब केले आहे. प्रभाग क्रमांक १५ मधून निवडून आलेले नगरसेवक सुरेश कांबळे यांचे नाव भाजपकडून महापौरपदासाठी सुचवण्यात आले आहे.

महापौरपदासाठी औपचारिक प्रक्रिया लवकरच

महापौरपदासाठी आरक्षण निश्चित झाल्यानंतर आता पुढील टप्प्यात गटनेत्याची निवड, अधिकृत गटनोंदणी आणि त्यानंतर महापौर निवडीची औपचारिक प्रक्रिया पार पडणार आहे.

कल्याण-डोंबिवलीत काय होणार?

कल्याण–डोंबिवली महापालिकेचे महापौरपद अनुसूचित जमाती (ST) प्रवर्गासाठी आरक्षित असल्याचे आरक्षण सोडतीत स्पष्ट झाले आहे. या निर्णयामुळे महापौरपदावर भाजपचा दावा आपोआपच संपुष्टात आला आहे. कारण भाजपकडे सध्या अनुसूचित जमाती प्रवर्गातील एकही नगरसेवक नसल्याने, आगामी काळात कल्याण–डोंबिवली महापालिकेला ST प्रवर्गातीलच महापौर मिळणार हे निश्चित झाले आहे.

दरम्यान, कल्याण–डोंबिवली महानगरपालिकेत अनुसूचित जमाती प्रवर्गातील एकूण तीन नगरसेवक असून, त्यांच्यातूनच महापौरपदासाठी निवड होण्याची शक्यता आहे. शिवसेनेचे ST प्रवर्गातील दोन नगरसेवक किरण भांगले आणि हर्षाली थविल हे प्रमुख दावेदार मानले जात आहेत. त्याचबरोबर, मनसेच्या ST प्रवर्गातील नगरसेविका शीतल मंढारी यांचेही नाव महापौरपदासाठी चर्चेत आहे. त्यामुळे आता या तिघांपैकी कोणाच्या गळ्यात महापौरपदाची माळ पडते, याकडे राजकीय वर्तुळाचे लक्ष लागले आहे.