BMC Mayor Lottery: मुंबईत ठाकरेंची इच्छा 'देव' पूर्ण करणार? २९ महापालिकांच्या कारभाऱ्यांसाठी आज आरक्षण सोडत

मुंबई: राज्यातील महापालिकांमध्ये सत्तास्थापनेच्या दृष्टीने अत्यंत महत्त्वाचा टप्पा असलेल्या महापौरपदाची आरक्षण सोडत आज मंत्रालयात काढली जाणार आहे. आगामी अडीच वर्षांच्या कालावधीसाठी हे आरक्षण निश्चित होणार असून, कोणत्या शहराचे कारभारीपद कोणासाठी आरक्षित राहणार की 'खुले' होणार, याकडे संपूर्ण राज्याचे लक्ष लागले आहे. मुंबई, पुणे, नाशिक, नागपूर सारख्या महत्त्वाच्या शहरांच्या महापौरपदाच्या आरक्षण सोडतीवर विशेष लक्ष लागले आहे.