लग्नाला पाचच महिने झाले होते, नवरा-सासू सासऱ्यांकडून छळ, विवाहितेला सहन झालं नाही, अखेर...

पती आणि सासू-सासरे यांनी मानसिक व शारीरिक छळ देऊन मंगळवेढा येथे धनश्री जगताप या 23 वर्षे नवविवाहितेला आत्महत्याला प्रवृत्त केले असल्याचा गुन्हा दाखल झाला आहे.

धनश्री जगताप हिने शेतातील विहिरीत उडी मारून आत्महत्या केली. याबाबत धनश्रीच्या वडिलांनी दिलेल्या फिर्यादीनुसार गेल्या चार महिन्यापासून सासरचे धनश्रीला मानसिक त्रास देत होते.

तिच्या वैद्यकीय खर्चाबाबत सासरच्या लोकांनी आपल्यालाही त्रास दिला असल्याचे धनश्रीच्या वडिलांनी फिर्यादीत सांगितले आहे.

त्यामुळे नवविवाहितेच्या आत्महत्येस धनश्रीचे पती आणि सासू-सासरे यांनीच प्रवृत्त केल्याअसल्याची फिर्याद आप्पासाहेब मोरे यांनी मंगळवेढा पोलीस ठाण्यात दिली आहे.

पोलिसांनी आत्महत्येला प्रवृत्त केल्याचा गुन्हा दाखल केला असून आरोपींची अधिक चौकशी सुरू आहे.