Sangli: कोल्हापूरनंतर सांगली, सभापती निवडणुकीआधी शिवसेनेच्या सदस्याचं अपहरण, पोलिसांकडे तक्रार दाखल

सांगली: कोल्हापूरच्या पाटगावचे माजी सरपंच महेश पिळणकर दोन महिन्यांपासून बेपत्ता असल्याची घटना समोर आल्यानंतर आता  सांगली येथील मिरज पंचायत समितीच्या सभापती निवडीपूर्वीच बुधगावातील सदस्याचे अपहरण झाल्याची घटना समोर आली आहे. बुधगाव येथील शिंदे शिवसेनेचे सदस्य पांडुरंग कृष्णा इंगळे यांचं सोमवारी सायंकाळी अपहरण झाल्याचा संशय व्यक्त करण्यात येत आहे. त्यांच्या अपहरणाची तक्रार दाखल करण्यासाठी सांगली ग्रामीण पोलीस ठाण्यात रात्री उशिरा नातेवाईक आले होते. या घटनेने राजकीय वर्तुळात मात्र खळबळ उडाली आहे.