रेशन कार्डबाबत मोठा निर्णय! या जिल्ह्यातील २० हजार ३१० लाभार्थ्यांचा लाभ झाला बंद

कोल्हापूर : शासनाच्या अन्नसुरक्षा योजनेत मोठी साफसफाई मोहीम राबवण्यात आली असून जिल्ह्यातील तब्बल २० हजार ३१० रेशनकार्डधारकांचे धान्य वितरण थांबवण्यात आले आहे. यामध्ये शासकीय सेवेत कार्यरत कर्मचारी, गेल्या सहा महिन्यांपासून रेशन न घेणारे लाभार्थी तसेच मृत व्यक्तींच्या नावावरील कार्डधारकांचा समावेश आहे. त्यामुळे या लाभार्थ्यांना आता नियमितपणे रेशनचे धान्य मिळणार नाही, अशी माहिती जिल्हा पुरवठा विभागाकडून देण्यात आली आहे.