TRENDING:
नांदेड जिल्ह्यातील नातेवाईक असलेला प्रियकर आणि प्रेयसी नागपूरमध्ये रोजगाराच्या शोधत आले होते. प्रेयसी BAMS च्या अखेरच्या वर्षाला तर मृतक प्रियकर बालाजी कल्याण पोलीस पोलीस भरतीसाठी तयारी करत होता. दोघांचे गेल्या पाच वर्षापासून प्रेम संबंध होते, मात्र गेल्या काही दिवसात प्रियकराने प्रेयसीच्या मागे लग्नाचा तगादा लावला होता. प्रेयसीच्या वडिलांना फोन करुन लग्न लवकर लावून द्या अन्यथा माझ्या अंत्यसंस्कारासाठी तुम्हाला नागपूर यावं लागेल असा अलटीमेटम दिला होता, या घडलेल्या प्रकारामुळे प्रेयसी प्रचंड संतापली होती.
advertisement
दोघांमध्ये नेमका कशावरून वाद झाला?
बुधवारी रात्री प्रेयसी प्रियकराच्या रूमवर गेली होती. मृतक बालाजी आणि त्याचा रूम पार्टनर तिघांच्या रात्री उशिरापर्यंत गप्पा झाल्या. त्यानंतर मृतक बालाजी आणि प्रेयसी एका रूममध्ये गेले. काही वेळानंतर रूम मधून ओरडण्याचा आवाज आल्याने मित्रांने रूम चा दरवाजा ठोठावला, मात्र प्रेयसीने दरवाजा उघडला नाही. 20 मिनिटांनी जेव्हा दरवाजा उघडला तेव्हा दोघेपण रक्तबंबाळ अवस्थेत निपचित पडून असल्याचं दिसलं. मित्राने घरमालकाच्या मदतीने दोघांना पण उपचारासाठी रुग्णालयात दाखल केले. डॉक्टरांनी बालाजीला तपासून मृत घोषीत केले तर जखमी प्रेयसीवर रुग्णालयात उपचार सुरू आहे.
प्रेयसीचं बिंग कसं फुटलं?
नंदनवन पोलिसांना घटनेची माहिती मिळताच पोलीस घटनास्थळी पोहोचले होते मृतक प्रियकराच्या अंगावर चाकूच्या काही खोल जखमा होत्या त्यामुळे दोघांमध्ये वाद झाला असावा यातून प्रियकराची हत्या झाल्याचा पोलिसांना शंका होती. मात्र आपल बिंग फुटू नये म्हणून प्रेयसीने प्रियकराने माझ्यावर हल्ला करत स्वतःवर चाकूने वार करत आत्महत्या केल्याचा बनाव केला. प्रेयसी रुग्णालयात उपचार घेत असल्याने तिच्यावर दडपण येऊ नये म्हणून पोलिसांनी सुरुवातीला तांत्रिक तपस केला. मात्र मृतक प्रियकराच्या अंगावरील खोल जखमांमुळे पोलिसांना दाट संशय प्रेयसीवर होता. अखेर पोलिसी खाक्या दाखविल्यावर प्रेयसीने हत्या केल्याची कबुली दिली.
प्रेयसीवर हत्येचा गुन्हा दाखल
प्रेयसीवर सध्या रुग्णालयात उपचार सुरू आहे, त्यामुळे रुग्णालयातून डिस्चार्ज झाल्यानंतर पोलीस तिला ताब्यात घेतील. मात्र गेली 5 वर्ष प्रेमाच्या आणाभाका घेत असताना प्रेयसीने अशा प्रकारे आपल्या प्रियकराची हत्या केल्याने समाजमन सुन्न झाले आहे. मृतक बालाजी कल्याण च्या भावाच्या तक्रारीवरून नंदनवन पोलीस स्टेशनमध्ये प्रेयसीवर हत्येचा गुन्हा दाखल केला असून पोलीस पुढील तपास करत आहे.