TRENDING:
बलात्काराचा गुन्हा नोंदवण्यास पोलिसांचा नकार?
एकनाथ खडसे यांच्या मते, पीडित विधवा महिला सावदा पोलीस स्टेशनमध्ये तक्रार देण्यासाठी गेली होती. मात्र, तिथे असलेल्या पोलीस निरीक्षकाने या महिलेची तक्रार नोंदवून घेण्याऐवजी तिला धमकावून घरी पाठवून दिले. एका मोठ्या पदाधिकाऱ्याने विधवा महिलेवर बलात्कार करणे आणि पोलिसांनी अशा गंभीर गुन्ह्याची दखल न घेणे, हा अत्यंत गंभीर प्रकार आहे, असं खडसे यांनी पत्रकार परिषदेत म्हटले.
advertisement
पोलीस निरीक्षकावर राजकीय वरदहस्त असल्याचा आरोप
खरं तर, एकनाथ खडसे यांच्यावर सावदा पोलीस ठाण्यात गुन्हा दाखल झाला आहे. हा गुन्हा दाखल झाल्यानंतर एकनाथ खडसे अधिक आक्रमक झाले आहेत. त्यांनी सावदा पोलीस स्टेशनच्या निरीक्षकावर थेट निशाणा साधला. या अधिकाऱ्याला राजकीय संरक्षण मिळत असून, गुन्हे दाखल करण्यासंदर्भात मोठी हेराफेरी केली जात असल्याचा दावा त्यांनी केला.
खडसे यांनी यावेळी राज्याचे ग्रामविकास मंत्री गिरीश महाजन यांचा उल्लेख करत एक फोटो देखील प्रसारमाध्यमांना दाखवला. पोलीस अधिकारी कशा प्रकारे मंत्र्यांसोबतचे फोटो स्टेटसवर ठेवतात आणि त्यांना कशा प्रकारे संरक्षण दिले जाते, याकडे त्यांनी लक्ष वेधले.
संबंधित पोलीस निरीक्षकाच्या कामकाजावर बोट ठेवताना खडसे म्हणाले की, हा अधिकारी केवळ गुन्हेगारांना पाठीशी घालत नाही, तर दोन समाजांमध्ये तेढ निर्माण होईल असे काम करत आहे.
एकनाथ खडसे काय म्हणाले?
जळगावात प्रसारमाध्यमांशी बोलताना एकनाथ खडसे म्हणाले की, सावदा परिसरातील एका मोठ्या गावातील विधवा महिलेवर बलात्कार करण्यात आला आहे. तोही एका राजकीय पदाधिकाऱ्यानं केला आहे. ती महिला तक्रार द्यायला सावदा पोलीस ठाण्यात आली होती. ती सकाळी १२ ते ७ वाजेपर्यंत पोलीस ठाण्यात थांबली होती. तरीही तिची तक्रार घेतली नाही. तो पदाधिकारी मोठा राजकीय पदाधिकारी आहे. महिला विधवा आहे. तिची नोंद न घेणं, हा गंभीर गुन्हा आहे. तिची तक्रार दाखल करून घेण्याऐवजी तिला धमकावून माघारी पाठवलं. ही सगळी घटना पोलीस ठाण्यातील सीसीटीव्ही कॅमेऱ्यात कैद झाली आहे. त्यामुळे मी फुटेजची मागणी केली आहे. अजून फुटेज मिळाले नाहीत. पण ही माझी माहिती आहे. सात-सात तास पोलीस ठाण्यात ताटकळूनही बलात्कार पीडितेला न्याय मिळत नसेल तर ही गंभीर बाब आहे.