TRENDING:
Tata ने नेहमीच कमी बजेटमध्ये जास्त फीचर्स देण्याची परंपरा कायम ठेवली आहे. Punch Facelift लॉन्च केल्यानंतर लगेचच Tata ने आणखी एक सरप्राईज देत Tata Punch EV बाजारात आणली. या गाडीची सुरुवातीची किंमत फक्त ₹9,49,000 पासून सुरू होत असल्याने ग्राहकांमध्ये मोठी उत्सुकता निर्माण झाली आहे. आधुनिक तंत्रज्ञान, सुरक्षितता, चांगली रेंज आणि प्रीमियम फीचर्स यामुळे Tata Punch EV ही भारतीय बाजारात एक नवा अध्याय लिहित आहे.
advertisement
बॅटरी आणि रेंज
Punch.ev मध्ये दोन बॅटरी पर्याय उपलब्ध आहेत – MR (30 kWh) आणि LR (40 kWh). ARAI प्रमाणित MIDC रेंज 468 किमीपर्यंत आहे, तर प्रत्यक्ष वापरातील C75 रेंज सुमारे 335 ते 355 किमी दरम्यान मिळते. फास्ट चार्जिंग सुविधेमुळे 20% ते 80% चार्ज फक्त 26 मिनिटांत करता येतो. DC Fast Charger, 7.2kW Wallbox Charger आणि 3.3kW Home Charger असे पर्याय उपलब्ध आहेत. मल्टी-मोड रिजनरेटिव्ह ब्रेकिंग आणि पॅडल शिफ्टर्समुळे ब्रेक लावताना बॅटरी पुन्हा चार्ज होते.
EV कार चार्जचं टेन्शन मिटलं, रनिंगमध्ये होईल आपोआप चार्ज; 170 किमी नो टेन्शन!
परफॉर्मन्स आणि सेफ्टी
ही गाडी सिटी आणि स्पोर्ट असे दोन ड्राइव्ह मोड्स (काही व्हेरिएंटमध्ये) तसेच उच्च व्हेरिएंटमध्ये इको, सिटी आणि स्पोर्ट असे तीन ड्राइव्ह मोड्स देते. इलेक्ट्रॉनिक पार्किंग ब्रेक विथ ऑटो होल्ड, हिल होल्ड असिस्ट आणि हिल होल्ड कंट्रोलमुळे चढावर गाडी मागे सरकत नाही. इलेक्ट्रॉनिक स्टॅबिलिटी प्रोग्राम (ESP), 6 एअरबॅग, I-TPMS, i-High Beam Alert, 360° सराउंड व्ह्यू कॅमेरा, ब्लाइंड स्पॉट मॉनिटर आणि कॅमेरा आधारित रिव्हर्स पार्क असिस्ट यांसारख्या सुविधा सुरक्षिततेची खात्री देतात. 195mm ग्राउंड क्लीयरन्स आणि 450mm वॉटर वेडिंग क्षमतेमुळे खराब रस्त्यांवरही गाडी सक्षम आहे.
इंटीरियर आणि तंत्रज्ञान
Punch.ev चे इंटीरियर आधुनिक आणि प्रीमियम आहे. 10.16 सेमी इन्स्ट्रुमेंट क्लस्टर, 20.32 सेमी इन्फोटेनमेंट सिस्टम (HARMAN™) आणि उच्च व्हेरिएंटमध्ये 26.03 सेमी HD इन्फोटेनमेंट सिस्टम व डिजिटल कॉकपिट दिले आहे. Android Auto™ आणि Apple CarPlay™ (वायरलेस सपोर्टसह), 65W USB Type-C फास्ट चार्जिंग, वायरलेस चार्जर, स्टीयरिंग माउंटेड कंट्रोल्स आणि GPS सह शार्क फिन अँटेना उपलब्ध आहेत. Voice Assisted Electric Sunroof, व्हेंटिलेटेड लेदरट सीट्स, हाइट अॅडजस्टेबल ड्रायव्हर सीट, ऑटो-डिमिंग IRVM, इलेक्ट्रिक टेलगेट रिलीज आणि फ्रंट पॉवर विंडोज यामुळे प्रवास अधिक आरामदायी होतो. Connected Car तंत्रज्ञानामुळे मोबाईल अॅपद्वारे AC कंट्रोल, चार्ज लिमिट सेट, लोकेशन शेअरिंग, ट्रिप अॅनालिटिक्स, हेल्थ रिपोर्ट, OTA अपडेट्स आणि रिमोट लॉक/अनलॉक करता येते.
व्हेरिएंटनुसार किंमत
Tata Punch.ev पाच व्हेरिएंटमध्ये उपलब्ध आहे – Smart, Smart Plus, Adventure, Empowered आणि Empowered Plus S.
1) स्मार्ट (30 kWh) – ₹9.69 लाख
2) स्मार्ट प्लस (30 kWh) – ₹10.29 लाख
3) स्मार्ट प्लस (40 kWh) – ₹10.89 लाख
4)Adventure (40 kWh) – ₹11.59 लाख
5)Empowered (40 kWh) – ₹12.29 लाख
6)Empowered Plus S (40 kWh) – ₹12.59 लाख
(सर्व किंमती एक्स-शोरूम, मुंबई – प्रारंभीच्या ऑफरनुसार)
याशिवाय BaaS (Battery as a Service) पर्यायात गाडीची सुरुवातीची किंमत ₹6.49 लाख असून बॅटरीसाठी ₹2.6 प्रति किमी EMI द्यावी लागते, ज्यामुळे सुरुवातीचा खर्च कमी होतो.