Bigg Boss Marathi 6 : सगळ्यांना रडवणारी राखी प्रभूसाठी ढसाढसा रडली; मिठी मारली आणि म्हणाली, 'मी तुझ्यासाठी...'

बिग बॉस मराठी 6 च्या नव्या एपिसोडचा प्रोमो समोर आला आहे. ज्यात राखी प्रभूसाठी रडताना दिसली आहे. प्रोमोत सुरुवातीला राखी प्रभूला तन्वीविरोधात भडकवताना दिसते. त्यांची ताटातूट करते. राखीच्या सांगण्यावरून प्रभू तन्वीची साथ सोडतो आणि राखीजवळ जातो. राखी त्याला आपल्या मिठीत घेते आणि रडते.

राखी प्रभूला सांगते पल्लू पकडायला नाहीस तू इथं, यावर तन्वी म्हणते काय ही बेसलेस बोलते आहे. यानंतर राखी प्रभूला सांगते ऐकलं स्वत:साठी खेळ. यावर प्रभू म्हणतो. एकही डिसीझन घेत नव्हते काय करू मग एकटा. असं म्हणत प्रभू राखीजवळ जाते. राखी त्याला आपल्या जवळ घेते आणि मिठी मारून रडते.

तन्वी त्याला म्हणते तुला वाटत असेल तू माझा पदर पकडून असतोस तर उद्यापासून पदर पकडू नको माझा. यानंतर बेडरूममध्ये राखी आणि प्रभू यांच्यातील बोलणं दाखवण्यात आलं आहे. राखी प्रभूला सांगते तू कॅप्टन बनवलं आहेस तिला. तुला युझ करतात. सॉरी मी काही करू शकत नाही तुझ्यासाठी, असं म्हणत राखी ढसाढसा रडते. रडताना तिचा आवाजही बसलेला ऐकू येतो. यानंतर प्रभूही खूप रडतो. सोफ्यावर बसून तो मान खाली घालून रडताना दिसतो.

प्रभू आणि तन्वी दोघं आजवर एकमेकांसोबत राहिलं. त्यांच्यात गप्पाही रंगायच्या. तन्वीने नुकतंच प्रभूला राखी चांगली असल्याचं सांगितलं होतं. मी स्वत:ला राखीमध्ये पाहते. मी तिच्यासारखीच आहे, असंही ती म्हणाली होती. यानंतर ज्याच्यासोबत तन्वी जास्त असायची आणि ज्या राखीला तिने चांगली म्हटलं त्या दोघांनीही तिचा जणू केसाने गळा आवळला आहे.