TRENDING:
गिरीश महाजन आणि एकनाथ खडसे यांच्यातील राजकीय वाद चांगलाच वाढला आहे. दोन्ही बाजूने संधी मिळताच बोचरी टीका, आरोप-प्रत्यारोप सुरू होतात. राज्याच्या विधान परिषदेतही राज्याचे मंत्री गिरीश महाजन यांनी एकनाथ खडसे यांच्यावर जोरदार टीकास्त्र सोडले.
गिरीश महाजन यांनी म्हटले की, एकनाथ खडसे प्रश्न टाकतात, पण सभागृहात उपस्थित नसतात. एकनाथ खडसे एकही दिवस सभागृहात नाहीत. ते घरुन प्रश्न टाकतात, लक्षवेधी प्रश्न लावतात. खडसे यांनी प्रश्न टाकल्यावर सभागृहात यायला हवं असे महाजन यांनी म्हटले. त्यांनी पुढे म्हटले की, एकनाथ खडसे यांनी उपस्थित केलेले प्रश्न दररोज सभागृहात असतात. त्यांच्या या लक्षवेधी लोकांना ब्लॅकमेलिंगसाठी वापरल्या जातात का, असा सवाल केला.
advertisement
खडसेंवर जादूटोणा...?
गिरीश महाजन यांनी एकनाथ खडसेंच्या अनुपस्थितीवरून टीकास्त्र सोडल्यानंतर राष्ट्रवादी शरद पवार गटाचे आमदार शशिकांत शिंदे यांनी एकनाथ खडसे यांचा बचाव केला. त्यांच्या अनुपस्थितीबाबत बाबत शिंदे यांनी सांगितले की, आज एकनाथ खडसे यांच्यासोबत फोनवरून बोलणं झालं. खडसे यांची प्रकृती बरी नाही. त्यामुळे ते सभागृहात नाहीत. मात्र, ते अनुपस्थित राहावे, आजारी असावे, सभागृहात येऊ नये, यासाठी कोणी जादूटोणा केलाय का, याचा तपास करणार असल्याचे शिंदे यांनी म्हटले.