वर्षभर नीट नांदवलं, नंतर पैशासाठी तगादा, सृष्टीला त्रास नकोसा झाला, अखेर टोकाचं पाऊल उचललं

सृष्टी संकेत मणियार (वय 21 वर्ष) असे मयत विवाहितेचे नाव आहे. वर्षभरापूर्वी सृष्टीचा विवाह मंठा शहरातील संकेत कैलास मणियार याच्याशी झाला होता. सुरुवातीच्या काही दिवस सासरच्यांनी विवाहितेला चांगले नांदवले. नंतर नवीन व्यवसाय टाकण्याकरिता माहेरून पैसे आण असा तगादा तिच्याकडे लावला.

पैशांसाठी सासरची मंडळी तिचा शारीरिक आणि मानसिक छळ करत होती. याच छळाला कंटाळून विवाहितेने राहत्या घरी गळफास घेऊन आत्महत्या केली, असे मयत विवाहितेच्या नातेवाईकांनी पोलिसांत दिलेल्या तक्रारीत म्हटले आहे.

advertisement

या तक्रारीवरून पोलिसांत मयत विवाहितेच्या पतीसह चौघांवर गुन्हा दाखल करण्यात आला आहे. संकेत कैलास मणियार, कैलास रामेश्वर मणियार, किरण कैलास मणियार आणि अंकिता भुतडा अशी गुन्हा दाखल झालेल्यांची नावे आहेत.