विळा दे म्हणाला अन् थेट घरात घुसला, जालन्यात शाळकरी मुलीसोबत विकृतीचा कळस

गुन्हा दाखल झाल्यानंतर गोंदी पोलिसांनी तत्काळ कारवाई करत नराधम आरोपीला बेड्या ठोकल्या आहेत. हनुमान बाबुराव गिरी असं अटक केलेल्या ३२ वर्षीय आरोपीचं नाव आहे. ही घटना जालना जिल्ह्यातील अंबड तालुक्यातील एका गावात घडली. पोलीस घटनेचा तपास करत आहेत.

नेमकं काय घडलं?

ज्यावेळी ही घटना घडली, तेव्हा पीडित मुलगी घरी एकटीच होती. ही बाब नराधम गिरीच्या लक्षात आली. घरात कोणी नसल्याची संधी साधून आरोपी हनुमान गिरी पीडितेच्या घरी गेला. त्याने पीडितेकडं विळा मागण्याचा बहाणा गेला. पीडित मुलगी विळा आणण्यासाठी घरात गेली असता, आरोपीही तिच्यापाठोपाठ घरात घुसला. यानंतर त्याने पीडितेवर जबरदस्ती करत तिच्यावर लैंगिक अत्याचार केला. यानंतर, पीडितेच्या कुटुंबीयांनी गोंदी पोलीस ठाण्यात तक्रार दाखल केली.

advertisement

या गंभीर घटनेची माहिती मिळताच पोलिसांनी तत्काळ तपास सुरू केला. पोलिसांनी जलदगतीने कारवाई करत आरोपी हनुमान गिरीला अटक केली. पोलिसांनी आरोपीविरोधात गुन्हा दाखल केला असून पुढील तपास सुरू आहे.