काय म्हणाले जयंत पाटील?
दाटलेल्या भावना, अश्रू भरल्या डोळ्यांच्या कडा आणि इतक्या लहान वयातील संवेदनशीलता पाहून मन भरून आलं, असं जयंत पाटील यांनी म्हटलं आहे. मी छावा चित्रपट अद्याप पाहिलेला नाही, पण छत्रपती संभाजी महाराज यांची शौर्यगाथा या पिढीत खोलवर रुजूतेय, याचं मला अधिक समाधान वाटतंय, असंही जयंत पाटील यांनी यावेळी म्हटलं आहे. जयंत पाटील यांनी एक्सवर व्हिडीओ शेअर करत भावना व्यक्त केल्या.
advertisement
पाहा Video
महाराजsssss गडपती... गजअश्वपती...भूपती... प्रजापती... सुवर्णरत्नश्रीपती... अष्टवधानजागृत... अष्टप्रधानवेष्टित... न्यायालंकारमंडित... शस्त्रास्त्रशास्त्रपारंगत... राजनितिधुरंधर... प्रौढप्रतापपुरंदर... क्षत्रियकुलावतंस... सिंहासनाधिश्वर... महाराजाधिराज... राजाशिवछत्रपती महाराजांचा विजय असो, अशी घोषणा चिमुकला देताना पहायला मिळाला. त्यावर विकी कौशल देखील भावूक झाला. त्याने स्वत:च्या अकाऊंटवर व्हिडीओ शेअर करत समाधान व्यक्त केलं आहे.
आमचा सर्वात मोठा विजय - विकी कौशल
दरम्यान, आमची सर्वात मोठी कमाई आहे. तुझा अभिमान आहे मुला, जर मी तुला घट्ट मिठी मारू शकलो असतो, तर किती बरं झालं असतं. तुमच्या सर्वांच्या प्रेमाबद्दल आभार. शंभूराजे यांची कथा जगातील प्रत्येक घराघरात पोहोचावी अशी आमची इच्छा आहे. हा आमचा सर्वात मोठा विजय आहे, असं विकी कौशलने पोस्ट करत म्हटलं आहे.