सीसीटीव्ही व्हिडीओमध्ये मध्यरात्रीच्या सुमारास काही तरुण गावात फिरत असल्याचा आणि गावाच्या कमानीजवळ काहीतरी संशयास्पद कृत्य करत असल्याचं व्हिडिओमध्ये दिसत आहे.
अघोरी पूजेत नेमके काय होते?
पोलिसांनी दिलेल्या प्राथमिक माहितीनुसार, या तरुणांनी गावाच्या कमानीजवळ रस्त्याच्या मध्यभागी हा अघोरी विधी केल्याचे उघड झाले आहे. पूजेच्या ठिकाणी जनावराचं काळीज पांढऱ्या फडक्यात ठेवले होते. त्याभोवती मोठ्या प्रमाणात कुंकू, गुलाल, लिंबू, केळी आणि केळीच्या झाडाचे कट केलेले भाग ठेवण्यात आले होते. पहाटेच्या वेळी ग्रामस्थांना हा प्रकार दिसल्यानंतर त्यांनी तत्काळ पोलिसांशी संपर्क साधला.
advertisement
ग्रामस्थांना घातपाताचा संशय
ऐन दिवाळीच्या काळात, भर रस्त्यात अशा प्रकारे जनावराच्या काळीजाचा वापर करून अघोरी पूजा केल्यामुळे ग्रामस्थांमध्ये भीतीची भावना निर्माण झाली आहे. काहीतरी अशुभ आणि वाईट करण्याच्या उद्देशाने हा प्रकार घडला असावा, असा ग्रामस्थांना संशय आहे. या प्रकारामुळे इंगळी गावात तणावपूर्ण शांतता पसरली आहे.
या घटनेची माहिती मिळताच पोलिसांनी तत्काळ तपास सुरू केला. पोलिसांनी सीसीटीव्ही फुटेजच्या आधारे आठ ते दहा संशयित तरुणांना चौकशीसाठी ताब्यात घेतल्याची प्राथमिक माहिती आहे. हे तरुण नेमके कोण आहेत? त्यांनी कोणत्या उद्देशाने ही अघोरी पूजा केली? यामागे अन्य काही कारण आहे का? या सर्व प्रश्नांची उत्तरे शोधण्याचं काम पोलीस करत आहेत.