TRENDING:
मालेगावमचे उपमहापौर म्हणून जबाबदारी स्वीकारल्यानंतर शान-ए-हिंद यांनी आपल्या दालनात टिपू सुलतान यांचा फोटो लावला होता. याच दालनाचा फोटो समाज माध्यमांवर प्रचंड वेगाने व्हायरल झाला. हा फोटो काढण्यात यावा, यासाठी हिंदू संघटनांनी इशारा दिला होता. तसेच राजकीय पक्षांनीही फोटो त्वरित काढण्याची मागणी केली होती.
अखेर टिपू सुलतान यांचा फोटो काढला
हिंदुत्ववादी संघटना आणि काही नगरसेवकांकडून तीव्र विरोध झाल्याने अखेर प्रशासनाने उपमहापौरांच्या दालनातील फोटो रात्रीच काढला. वाढता तणाव लक्षात घेता नगरसचिवांनी फोटो काढण्याचा निर्णय घेतला. वाद टाळण्यासाठी आम्ही टिपू सुलतानचा फोटो हटवत आहोत, असे त्यांनी माध्यमांना सांगितले.
advertisement
शिंदे गटाच्या नगरसेवकांचे आंदोलन
टिपू सुलतानच्या फोटोवरून वाद सुरू झाल्यानंतर शिंदे गटाच्या नगरसेवकांनी आक्रमक पवित्रा घेतला. मालेगाव अतिसंवेदनशील शहर असल्याने कायदा सुव्यवस्थेचा प्रश्न निर्माण होऊ शकतो असे सांगून जोपर्यंत फोटो काढण्यात येत नाही तोपर्यंत आम्ही आंदोलन करू, असे सांगून महापालिकेच्या आवारात शिंदे गटाच्या नगरसेवकांनी आंदोलन केले. उपमहापौरांच्या दालनातील फोटो तातडीने हटवून संबंधितांवर कायदेशीर कारवाई करावी, अशी मागणीही त्यांनी केली. हिंदू संघटनांकडून देखील इशारे मिळाल्यानंतर अखेर नगरसचिवांनी फोटो काढण्याचा निर्णय घेतला.
भाजपकडूनही टीका
मालेगावच्या उपमहापौरांनी… हिंदू द्वेषी टिपू सुलतानचा फोटो लावला आहे, पण छत्रपती शिवाजी महाराज, महात्मा गांधी, बाबासाहेब आंबेडकर यांच्या प्रतिमा गायब आहेत. आमच्या खऱ्या नायकांचा मोठा अपमान आहे. संविधानाने तुम्हाला उपमहापौर होण्याची संधी दिली. त्याचे शिल्पकार डॉ. बाबासाहेब आंबेडकर आहेत. पण त्यांना संविधानाबद्दल आदर नाही, असे भाजपचे प्रवक्ते शहजाद पूनावाला म्हणाले.