Valentines Day 2026: अभ्यासही केला अन् प्रेमही, शेवटी IAS अन् मनासारखी बायको; जी श्रीकांत यांची Love Story Video

मनपा आयुक्त जी. श्रीकांत आणि त्यांच्या पत्नी सोनम यांची पहिली भेट 2006 मध्ये झाली. “जशी प्रत्येकाच्या प्रेमाची सुरुवात होते, अगदी तशीच आधी मैत्री, नंतर प्रेम अशीच आमची देखील सुरुवात होती. प्रेमाचा प्रस्ताव पहिल्यांदा कुणाकडून आला असं काही नाही. आमच्यात मैत्री होती आणि त्याचं रूपांतर प्रेमात झालं. आमच्या लग्नाला घरच्यांचा काही विरोध नव्हता. आम्ही दोघेही सेटल झालो होतो. त्यानंतर आम्ही निर्णय घेतला,” असं सोनम सांगतात.

सुरुवातीला सर एका ठिकाणी नोकरी करत होते. त्यानंतर त्यांनी अभ्यास करून आयएएस झाले. सगळं सेटल असल्यामुळे कुटुंबीयांनी देखील लग्नाला विरोध केला नाही, असंही जी. श्रीकांत यांच्या पत्नी सोनम यांनी सांगितलं.

“ आम्ही गेली 19 वर्षे एकमेकांच्या सोबत आहोत. या काळात आयुष्यात अनेक चढउतार आलेले आहेत. पण त्या सर्व चढउतारामध्ये मला सोनमने खूप साथ दिली. आम्ही दोघं आमचं सगळं अभ्यास, नोकरी करून सगळ्या गोष्टी केल्या. यात तिनं मला खूप साथ दिली, असं जी. श्रीकांत सांगतात.