TRENDING:
डिटोनेटर बनवताना काळाचा घाला
मिळालेल्या माहितीनुसार, ही घटना सकाळी ६ ते ७ वाजेच्या दरम्यान घडली. खाणींमधील खोदकामासाठी लागणारे डिटोनेटर तयार करण्याचे काम सुरू असताना अचानक हा स्फोट झाला. स्फोट इतका भीषण होता की त्याचा आवाज अनेक किलोमीटरपर्यंत ऐकू आला आणि परिसरात धुराचे लोट पसरले.
१८ कामगार जखमी; जखमींमध्ये सर्व महिला
advertisement
स्फोटाच्या वेळी कंपनीच्या संबंधित युनिटमध्ये २५ ते ३० कामगार कार्यरत होते. या दुर्घटनेत १८ कामगार गंभीर जखमी झाले असून त्यांना तातडीने नागपूरच्या रुग्णालयात हलवण्यात आले. धक्कादायक बाब म्हणजे जखमींमध्ये सर्व महिला कामगारांचा समावेश आहे. त्यापैकी ४ जणांची प्रकृती अत्यंत चिंताजनक असून त्यांच्यावर अतिदक्षता विभागात उपचार सुरू असल्याची माहिती मिळाली होती.
मृतांचा आकडा वाढण्याची भीती
घटनेची भीषणता पाहता मृतांचा आकडा वाढण्याची शक्यता वर्तवली जात आहे. पोलिसांनी दिलेल्या प्राथमिक माहितीनुसार, स्फोटाची तीव्रता इतकी मोठी होती की मृतांची संख्या १५ पर्यंत गेला आहे. सध्या घटनास्थळी स्थानिक प्रशासन, पोलीस आणि बचाव पथक दाखल झाले असून ढिगाऱ्याखाली अडकलेल्या इतर कामगारांना बाहेर काढण्याचे काम युद्धपातळीवर सुरू आहे. काही मृतदेह जळालेल्या अवस्थेत सापडले आहेत.