मंदिराच्या पडक्या विहिरीत आढळला मुंडकं नसलेला मृतदेह, नागपुरातील खळबळजनक प्रकार

स्थानिकांनी दिलेल्या माहितीनुसार, अनेक वर्षांपासून ही विहीर बंद होती. काही दिवसांपूर्वी विहिरीच्या दुरुस्तीचे काम सुरू असताना हा सांगाडा आढळून आला. हा प्रकार उघडकीस येताच स्थानिकांनी तत्काळ घटनेची माहिती गणेशपेठ पोलिसांना दिली. पोलिसांनी घटनास्थळी धाव घेत मानवी सांगाडा ताब्यात घेतला आहे. या घटनेचा तपास सुरू आहे.

सापडलेल्या या अर्धवट मानवी सांगाड्यामुळे हत्येचा संशय बळावला आहे. पोलिसांनी विहिरीतून मिळालेल्या सांगाड्याचे अवशेष फॉरेन्सिक तपासणीसाठी पाठवले आहेत. त्याचबरोबर, गेल्या काही महिन्यांत शहरात बेपत्ता झालेल्या व्यक्तींच्या नोंदी तपासल्या जात आहेत. या प्रकरणी गणेशपेठ पोलीस अधिक तपास करत आहेत. या घटनेमुळे परिसरात भीतीचे वातावरण निर्माण झाले आहे.

advertisement