TRENDING:
सक्षमच्या मृतदेहाशी लग्न केलं
सक्षम ताटे (वय 25) आणि आंचल मामीडवार (वय 21) या दोघांचे प्रेमसंबंध होते. आंतरजातीय प्रेमसंबंधाला आंचलच्या भावाचा आणि वडिलांचा विरोध होता. या विरोधातून आंचलच्या भावाने आणि वडिलांनी मिळून सक्षमला गोळ्या झाडून मारलं, त्याची हत्या केली. ही घटना गुरुवारी घडली. आंचलने या घटनेनंतर मोठा निर्णय घेतला अन् सक्षमच्या मृतदेहाशी लग्न केलं अन् प्रेम अजरामर आहे, याची प्रचिती दिली. मी त्याच्या नावाचं कुंकू लावते असं म्हणत तिने आपल्या बापाविरुद्ध एल्गार केला अन् भावासह त्यांना फाशीची शिक्षा व्हावी, अशी मागणी केलीये.
advertisement
नशा करायला लावली अन् तीन गोळ्या झाडल्या
सक्षमवर एमपीडीए पडली होती, तो बाहेर आल्यावर माझ्या वडिलांना त्याचा खून करायचा होता. त्यांनी तशी मला धमकी देखील दिली होती. त्याला गोड गोड बोलून माझ्या भावाने आणि वडिलांनी दिली होती. त्यानंतर त्याला नशा करायला लावली अन् त्याच्यावर तीन गोळ्या झाडल्या. गोळ्या लागून देखील त्याला काही झालं नसल्याचं पाहिल्यानंतर त्याच्या डोक्यात फरशी घालून त्याला मारलं. आमचे प्रेम होतं, पण कास्टमुळे आमच्या लग्नाला माझ्या कुटूंबियांकडून विरोध केला जात होता, असं आंचलने सांगितलं.
मी त्याच्या नावाचं कुंकू लावलंय
सक्षम आणि माझे भाऊ चांगले मित्र होते, पण त्यांच्या काहीतरी भांडणं होती. माझ्या काहीही इच्छा नाही आता... आरोपींना फाशीचीच शिक्षा झाली पाहिजे. माझ्या वडिलांनी आणि दोन भावांनी मिळून त्याला मारलं आहे. मी सक्षमच्या मृतदेहाशी लग्न करणार आहे. मी सक्षमच्या घरी सून म्हणून राहणार. मी त्याच्या नावाचं कुंकू लावलंय. माझं वय पूर्ण आहे, त्यामुळे माझ्यावर कुणाचीही जबदरस्ती नाही, असंही आंचलने म्हटलं आहे.