TRENDING:
लैंगिक समस्या घेऊन येणाऱ्या श्रीमंत भाविकांना हा बाबा तुर्कीच्या गुहेतला 'चमत्कारी' मध सांगून 9 लाख रुपये किलो दराने विकत होता. हे उघड झाले. त्यामुळे आता हा मध चर्चेचा विषय ठरला आहे. एल्विश हनी नक्की काय आहे, तो इतका महाग का आणि तो कुठे मिळतो हे जाणून घेण्यासाठी लोकांमध्ये उत्सुकता वाढली आहे. चला त्याबद्दल जाणून घेऊ आणि हा मध कसा काढला जातो हे देखील व्हिडीओद्वारे काढू.
advertisement
काय आहे 'एल्विश हनी'? जगातील सर्वात महागडा मध
एल्विश हनी हा मूळचा तुर्की (Turkey) देशातील Black Sea भागातील एक दुर्मिळ मध आहे. याला जगातील सर्वात शुद्ध आणि महागडा मध मानले जाते. आंतरराष्ट्रीय बाजारात याची किंमत प्रति किलो सुमारे 9 लाख रुपये (सुमारे 10,000 युरो) इतकी आहे.
हा मध इतका महाग का?
हा मध कोणत्याही साध्या पोळ्यातील नसून, तुर्कीच्या आर्टविन शहरातील एका 18,000 मीटर खोल नैसर्गिक गुहेतून काढला जातो.
हा मध तयार करण्यासाठी मधमाश्या कोणत्याही मानवी हस्तक्षेपाशिवाय गुहेतील औषधी वनस्पतींचा वापर करतात. वर्षातून केवळ एकदाच हा मध काढला जातो. ज्यामुळे तो कमी प्रमाणात उपलब्ध असतो, त्यामुळेच या मधाची किंमत महाग आहे.
तुर्की फूड इन्स्टिट्यूट या मधाची प्रयोगशाळेत तपासणी केल्याशिवाय तो बाजारात विकू देत नाही, इतकी याची शुद्धता कडक असते.
प्राण पणाला लावून काढला जातो हा मध
एल्विश हनी काढण्याची प्रक्रिया पाहून कोणालाही धक्का बसेल. अलीकडेच सोशल मीडियावर एक व्हिडिओ व्हायरल झाला होता, ज्यामध्ये एक व्यक्ती हजारो मधमाश्यांच्या विळख्यात असूनही हा मध काढताना दिसते. जरी या व्यक्तीने सुरक्षा साधने घातलेली असली, तरी 18,000 मीटर खोल गुहेत उतरणे आणि मधमाश्यांच्या डंखाचा धोका पत्करणे हे अत्यंत आव्हानात्मक असते.
या कष्टांमुळेच याला 'मॅड हनी' (Mad Honey) असेही काही लोक म्हणतात, कारण विशिष्ट वनस्पतींच्या फुलांमुळे यात काही अंशी गुंगी आणणारे औषधी गुणधर्म असतात.
बाबाच्या जाळ्यात कोण कोण?
नाशिक पोलिसांनी दिलेल्या माहितीनुसार, केवळ अशोक खरातच नाही, तर या रॅकेटमध्ये त्याचे काही साथीदारही सामील होते जे 'एल्विश हनी'च्या नावाखाली मार्केटिंग करायचे. या मधाच्या विक्रीतून आलेला पैसा ट्रस्टच्या नावाखाली फिरवून तो मालमत्ता खरेदीसाठी वापरला जात होता.
एल्विश हनी हे जागतिक स्तरावर एक मौल्यवान औषध असले, तरी त्याचा वापर करून नाशिकमध्ये जो फसवणुकीचा प्रकार घडला आहे, तो अत्यंत गंभीर आहे. कोणत्याही बाबाच्या 'चमत्कारी' औषधावर विश्वास ठेवण्यापूर्वी त्याची शास्त्रीय सत्यता तपासणे गरजेचे आहे, हेच या प्रकरणातून स्पष्ट होते.