Jalgaon: मित्रांकडून विश्वासघात, हॉटेल व्यावसायिकानं हॉटेलमध्येच संपवलं जीवन, चिठ्ठीत मांडल्या व्यथा

सहकारी मित्रांकडून त्रास

प्रमोद पाटील यांनी परेश पाटील यांच्यासोबत भागीदारीतून हॉटेल आस्वाद सुरू केले होते. मात्र काही कारणांमुळे हे हॉटेल मागील काही दिवसांपासून बंद होते. दरम्यान, संबंधित हॉटेल ज्या शेतजमिनीत सुरू होते ती जमीन परेश सुभाष पाटील व सुभाष यशवंत पाटील यांच्या मालकीची असल्याने त्यांनी अचानक हॉटेल खाली करण्यास सांगितल्याचे समजते. त्याबदल्यात कोणताही मोबदला देण्यास ते तयार नसल्यामुळे प्रमोद पाटील यांना मानसिक त्रास होत असल्याचे मृत्यूपूर्वी लिहिलेल्या चिठ्ठीत नमूद केल्याची माहिती मिळाली आहे. सहकारी मित्रांनी अशाप्रकारे ऐनवेळी विश्वासघात केल्याने ते मानसिक तणावात होते.

advertisement

या मानसिक तणावातूनच प्रमोद पुरुषोत्तम पाटील यांनी हॉटेलमध्ये गळफास घेऊन आत्महत्या केल्याचे प्राथमिक माहितीतून समोर येत आहे. दरम्यान, संबंधितांवर तात्काळ कारवाई करावी व आरोपींना अटक करावी या मागणीसाठी मृतदेह नशिराबाद पोलीस स्टेशन येथे आणण्यात आला होता. पोलीस प्रशासनाकडून योग्य तपास करून न्याय दिला जाईल, असे आश्वासन दिल्यानंतर मृतदेहावर अंत्यसंस्कार करण्यात आले.या प्रकरणी नशिराबाद पोलीस अधिक तपास करत आहेत.

हॉटेल व्यावसायिक प्रमोद पाटील यांनी लिहिलेली सुसाईड नोट

आत्महत्या केलेल्या प्रमोद यांच्यावर जिल्हा रुग्णालयात शवविच्छेदन झाल्यानंतर नशिराबाद पोलीस ठाण्यात कुठलीही तक्रार दाखल नव्हती यामुळे प्रमोद पाटील यांच्या नातेवाईकांनी थेट मृतदेह नशिराबाद पोलीस स्थानक या ठिकाणी आणला आणि मृत प्रमोद पाटील यांनी लिहिलेल्या चिठ्ठीच्या आधारे संबंधितांवर गुन्हा दाखल करण्याची मागणी मृतांच्या नातेवाईकांनी केली. यावेळी काही वेळ नशिराबाद पोलीस ठाणे का बाहेर गोंधळाचे वातावरण निर्माण झालेले होते.