इगतपुरीत युवतीवर घरात घुसून अत्याचार, धर्म बदलण्यासाठी दबाव, नाशिकला हादरवणारी घटना!

ओळख लपवून वाढवली मैत्री

पोलिसांनी दिलेल्या माहितीनुसार, मुस्ताक सलीम शेख (वय २४, रा. पेठ रोड, रामनगर, नाशिक) असं अटक करण्यात आलेल्या संशयित आरोपीचं नाव आहे. पीडितेने दाखल केलेल्या तक्रारीनुसार, मुस्ताक याने स्वतःचा धर्म लपवून आणि खोटे सांगून पीडितेशी ओळख वाढवली होती. यातूनच त्याने २३ मार्च २०२२ रोजी युवतीवर अत्याचार केल्याचा आरोप करण्यात आला आहे.

advertisement

धर्मांतर आणि लग्नासाठी दबाव

पीडितेनं आपल्या फिर्यादीत म्हटलं आहे की, आरोपी मुस्ताक याने तिला लग्नासाठी आणि स्वतःचा धर्म स्वीकारण्यासाठी वारंवार धमकावले. आरोपीने तिला इगतपुरी येथील मंदिरात दोन वेळा बळजबरीने बोलावून घेतलं होतं. इतकेच नाही तर, जर तिने येण्यास नकार दिला, असता त्याच्या मामाच्या माध्यमातून संपूर्ण कुटुंबाला संपवून टाकण्याची धमकीही त्याने दिली होती. याशिवाय, घरात घुसून दोन वेळा अत्याचार केल्याचा गंभीर आरोपही पीडितेनं केला आहे.

पोलीस कारवाई आणि कोठडी

या प्रकरणी पीडितेने तक्रार दिल्यानंतर इगतपुरी पोलिसांनी पोक्सो कायद्यांतर्गत गुन्हा दाखल केला. गुन्हा दाखल होताच पोलिसांनी नाशिकच्या शालिमार परिसरातून आरोपी मुस्ताकला ताब्यात घेतलं. सोमवारी त्याला नाशिक येथील जिल्हा व सत्र न्यायालयात हजर केले असता, न्यायालयाने त्याला पाच दिवसांची पोलीस कोठडी सुनावली आहे. या घटनेचा अधिक तपास पोलीस करत आहेत.