TRENDING:
एका घटस्फोटीत आणि एका गर्भवती महिलेनं आरोपी अशोक खरात विरोधात फिर्याद दाखल केली आहे. यातील गर्भवती राहिलेल्या महिलेनं तक्रारीत अशोक खरातने अमानुष पद्धतीने अत्याचार केल्याचा आरोप केला आहे. धक्कादायक बाब म्हणजे ही गर्भवती महिला दुसरी तिसरी कुणी नव्हे तर आरोपी अशोक खरातचा निकटवर्तीय असलेल्या एका व्यक्तीची पत्नी आहे. आपल्या पत्नीवर अशाप्रकारे अत्याचार झाल्याचं समजल्यानंतर संबंधित ओळखीच्या व्यक्तीने सापळा रचून आरोपी अशोक खरातचे सगळे कांड उघडकीस आणलं आहे.
advertisement
पोलीस सूत्रांनी दिलेल्या माहितीनुसार, हा गुन्हा पीडितेच्या पतीनं दाखल केला आहे. पीडितेचा पती आरोपी खरातचा ओळखीचा आणि निकटवर्तीय मानला जातो. त्याने काही वर्षे खरातसोबत काम देखील केलं आहे. सन २०२३ मध्ये फिर्यादीची पत्नी (वय ३०) सात महिन्यांची गरोदर होती. संशयिताने बाळाचा जन्म सुरक्षित होण्यासह मुलगा होण्यासाठी विधी करण्याच्या बहाणा करत पीडितेला कॅबिनमध्ये बोलावलं.
यावेळी आरोपी खरातने फिर्यादीला कॅबिनबाहेर पाठवून, लाईट बंद करून, मंत्रांच्या नावाखाली संशयिताने पीडितेवर लैंगिक अत्याचार आणि विनयभंग केला. ही घटना पीडितेच्या पतीला समजल्यानंतर त्याने खरातविरुद्ध वेळोवेळी सबळ पुरावे संकलित केले. हे खरातला समजल्यावर त्याने फिर्यादीसह कुटुंबाला जीवे मारण्याची धमकी दिली, असंही फिर्यादीत म्हटलं आहे. पोलीस या प्रकरणाचा सविस्तर तपास करत आहेत.