TRENDING:
कांद्याची आवक वाढली
राज्याच्या मार्केटमध्ये आज 33 हजार 702 क्विंटल कांद्याची एकूण आवक झाली. कालच्या तुलनेत आवकेत पंधरा हजार क्विंटलची सुधारणा झाली. यापैकी 16 हजार 549 क्विंटल सर्वाधिक आवक अहिल्यानगर बाजारात झाली. त्यास प्रतीनुसार 200 ते 1113 रुपयांपर्यंत बाजार भाव मिळाला. तसेच पुणे मार्केटमध्ये आवक झालेल्या 6 हजार 874 क्विंटल कांद्यास मिळालेला 1100 रुपये सर्वसाधारण भाव आजचा सर्वाधिक बाजारभाव ठरला.
advertisement
Weather Alert: महाराष्ट्रात पुन्हा वारं फिरलं, 24 तास धोक्याचे, 10 जिल्ह्यांना यलो अलर्ट
लिंबाची आवक दबावात
वाढत्या उन्हासह बाजारातील लिंबाची मागणी देखील वाढते आहे. मात्र लिंबाची आवक दबावातच आहे. राज्याच्या मार्केटमध्ये आज केवळ 97 क्विंटल लिंबाची आवक राहिली. यापैकी पुणे बाजारात आवक झालेल्या 44 क्विंटल लिंबास 8000 ते 10000 रुपये प्रतिक्विंटल प्रमाणे बाजारभाव मिळाला. तसेच अहिल्यानगर मार्केटमध्ये आवक झालेल्या 5 क्विंटल लिंबास 11000 रुपये प्रतिक्विंटल प्रमाणे सर्वाधिक सर्वसाधारण बाजारभाव मिळाला.
द्राक्षाचे दर
द्राक्ष हंगामावर झालेला युद्धस्थितीचा परिणाम तसेच अवकाळी पावसाचा परिणाम पाहता राज्याच्या कृषीमार्केटमध्ये द्राक्षाची आवक वाढेल असा द्राक्ष बाजारातील जाणकारांचा अंदाज आहे. मात्र आजवर बाजारात द्राक्षाची आवक दबावातच दिसते. राज्याच्या मार्केटमध्ये आज केवळ 195 क्विंटल द्राक्षाची आवक झाली. यापैकी पुणे बाजारात 140 क्विंटल सर्वाधिक आवक राहिली. त्यास 7000 रुपये प्रतिक्विंटल प्रमाणे बाजारभाव मिळाला. तसेच छत्रपती संभाजीनगर बाजारात आवक झालेल्या 52 क्विंटल द्राक्षास 16000 प्रतिक्विंटल प्रमाणे सर्वाधिक सर्वसाधारण बाजारभाव मिळाला.
केळीची आवक कमी
राज्याच्या मार्केटमध्ये केळीला चांगला उठाव मिळतोय. मात्र सरासरीच्या तुलनेत केळीची आवक कमीच आहे. आज केवळ 272 क्विंटल केळीची आवक झाली. पुणे बाजारात आवक झालेल्या केळीस प्रतीनुसार 1500 ते 1800 रुपये दरम्यान बाजार भाव मिळाला. अवकाळी पावसाचा आणि युद्धाचा केळी पिकास फटका बसल्याचे उत्पादक सांगत आहेत.