उसाच्या पट्ट्यात 'पैशाचं पीक', 15 गुंठे शेती अन् 5 महिन्यात लखपती, सांगलीच्या शेतकऱ्यानं कशी केली कमाल? Video

रोप लागवडीनंतर 20 दिवसांनी काठी आणि तारेने मिरचीच्या झाडांना आधार दिला. तणावर नियंत्रण राहण्यासाठी मल्चिंग पेपर अंथरला आहे. तसेच ठिबकने पाणी व रासायनिक खतांचा पुरवठा केला आहे.

भोसले यांनी नोव्हेंबर 2025 मध्ये हिवाळ्यात मिरचीची लागवड केली होती. सुरुवातीला कडाक्याच्या थंडीमुळे प्लॉट सुरू होण्यास महिनाभर उशीर झाला; मात्र भोसले यांचे अभ्यासपूर्ण व्यवस्थापन आणि मेहनतीमुळे पिकाला चांगला प्रतिसाद मिळाला.

बदलत्या वातावरणात देखील काटेकोर व्यवस्थापनामुळे भोसले यांना मिरचीचे भरघोस उत्पादन घेता आले. पहिल्याच तोड्यापासून दहा किलोसाठी सुमारे सातशे रुपये दर मिळाला. त्यानंतरही दर टिकून राहिल्याने दोन महिन्यात सुमारे तीन लाख रुपयांचे उत्पन्न मिळाले आहे. सध्या मिरचीला दहा किलोसाटी आठशे ते नऊशे रुपये दरम्यान बाजारभाव मिळत असून पुढील चार महिन्यांत अनखी दोन ते अडीच लाख रुपयांचे हमखास उत्पन्न असल्याचे सुनील भोसले यांनी लोकल18सोबत बोलताना सांगितले.

पंधरा गुंठे प्लॉटसाठी त्यांनी शेणखत व कंपोस्ट खत मिळून सुमारे दहा टन खतांचा वापर केला. रोपलावणीवेळी सुमारे दहा हजार रुपयांचा बेसल डोस दिला. मल्चिंग पेपर, ठिबक सिंचन व जाळीचे संरक्षण कुंपण यामुळे उत्पादनात वाढ झाल्याचे भोसले सागतात. संपूर्ण प्लॉट उभारण्यासाठी जवळपास एक लाख रुपये खर्च झाला.