या प्रकरणी मिळालेल्या माहितीनुसार, मानखुर्द येथे दहीहंडीची दोरी बांधताना घरावरून पडून एका गोविंदाचा दुर्दैवी मृत्यू झाला. जगमोहन चौधरी असं 32 वर्षीय मृत गोविंदाचं नाव आहे. चौधरी हे महाराष्ट्र नगर येथे बाळ गोविंदा पथकातील गोविंदा होते. दहीहंडीच्या दिवशी ते एक मजली घरावर लोखंडी ग्रीलला दहीहंडीची दोरी बांधण्यासाठी चढले होते. दोरी बांधत असतानाच त्यांचा तोल गेला व ते घरावरून खाली पडले. गंभीर जखमी झाल्याने त्यांना तत्काळ पालिकेच्या शताब्दी हॉस्पिटलमध्ये दाखल करण्यात आलं. मात्र, तिथे डॉक्टरांनी चौधरींना मृत घोषित केलं.
advertisement
Dahi Handi 2025: खालुबाजा आणि सनई वादन, रायगडच्या गिरणे गावात पारंपरिक गोपाळकाला उत्सव, Video
शेकडो गोविंदा जखमी
मुंबईत दरवर्षी दहीहंडी उत्सव मोठया उत्साहात साजरा केला जातो. दादर, घाटकोपर, वरळी, लालबाग, परळ, गिरगाव, अंधेरी, बोरिवली, दहिसर, भायखळा, भांडूप, विक्रोळी, मुलुंड, कुर्ला आदी विभागात दहीहंडी फोडण्याठी गोविंदाची गर्दी जमते. यावर्षी शहरातील विविध ठिकाणी एकूण 116 गोविंदा जखमी झाले.
महानगरपालिकेच्या माहितीनुसार, 116 जखमी गोविंदांपैकी 43 जखमी गोविंदांवर विविध रुग्णालयात उपचार करून त्यांना डिस्चार्ज देण्यात आला आहे. उर्वरित 32 जखमी गोविंदावर अद्याप उपचार सुरू आहेत. श्रेयस चाळके आणि आर्यन यादव या दोन 9वर्षांच्या गोविंदांची प्रकृती चिंताजनक आहे. श्रेयसवर जी. टी. रुग्णालयात तर आर्यनवर कांदिवली येथील डॉ. बाबासाहेब आंबेडकर रुग्णालयात उपचार सुरू आहेत.