TRENDING:
मर्चंट नेव्हीतून निवृत्त झालेला कॅप्टन अशोक खरात गेल्या काही वर्षांमध्ये कॉस्मॉलॉजी एक्स्पर्ट आणि अंकशास्त्रज्ञ म्हणून नावारुपाला आला. अनेक बडे राजकीय नेते, सेलिब्रिटी आणि उद्योजक त्याच्याकडे मार्गदर्शनासाठी जात होते, मात्र या भोंदू बाबाचा आता पर्दाफाश झाला. खरातचा अघोरी आणि विकृत चेहरा समोर आलाय. अशोक खरात सध्या पोलीसांच्या ताब्यात असून सध्या त्याची चौकशी सुरू आहे.
advertisement
नेमकं काय म्हणाल्या खरातच्या पत्नी?
माझे पती काही व्यावसायिक ज्योतिषी नाहीत. काही जवळच्या व्यक्तींनी त्यांच्या पाठीत खंजीर खुपसला आहे. माझ्या पतीची प्रतिमा मलिन करण्यासाठी हे षडयंत्र रचल्याचा आरोप अशोक खरातची पत्नी कल्पना यांनी केली आहे. खरात प्रकरणावर त्याच्या जवळच्या नातेवाईक आणि मित्रमंडळींनी अद्याप कोणतीही प्रतिक्रिया दिली नाही.
आतापर्यंत काय काय समोर आलं?
अडचणीत सापडलेले किंवा अध्यात्मीक अस्थेपोटी लोक या स्वयंघोषित ज्योतिषाकडे येत होते पण त्यांच्या श्रद्धेचा गैरफायदा हा भोंदू कॅप्टन घेत राहिला, त्याच्या या दृष्कृत्याचं धक्कादायक वास्तव समोर आलं आहे. महिलेसोबत आलेल्यांना तो ऑफीसबाहेर ध्यान करायला बसवायचा आणि ऑफिसात एकट्या असलेल्या महिलेला मी कृष्ण आणि तू गेल्या जन्मीची राधा असल्याचं सांगून गुंगीचं औषध देत आणि लैंगिक शोषण करायचा अशी माहिती समोर आलीय. ज्यात भोंदूबाबा अशोक खरात याच्या कारनाम्यांची चर्चा आहे. कोट्यावधीची संपत्ती जमवल्यासह महिलांचं लैंगिक शोषण केल्याचा या भोंदूबाबा अशोक खरातवर आरोप आहे. रुपाली चाकणकर यांचे भोंदू अशोक खरात याच्यासोबतचे काही फोटो, व्हिडीओ समोर आल्यावर त्यांच्यावर चहूबाजूंनी टीकेची झोड उठल्यानंतर त्यांनी राजीनामा दिला.