याबाबत मिळालेल्या माहितीनुसार, 'रोटरी क्लब ऑफ पुणे युवा' ही संस्था दगडूशेठ गणपतीमंडळात जमा झालेल्या निर्माल्याचा अतिशय चांगला वापर करत आहे. ही संस्था गणरायाच्या पुजेतून निर्माण झालेल्या एक टन निर्माल्यापासून 300 किलो खताची निर्मिती करत आहे. विशेष म्हणजे हे खत शेतकऱ्यांना मोफत वितरीत केलं जात आहे. गेल्या 9 वर्षांपासून हा उपक्रम सुरू आहे.
advertisement
Modak Auction: तब्बल 1 लाख 85 हजारांचा मोदक! बाप्पाचा मोदक खरेदी करण्यासाठी भक्तांमध्ये चढाओढ
श्रीमंत दगडूशेठ हलवाई सार्वजनिक गणपती ट्रस्टकडे जमा होणारं निर्माल्य डीपी रोडवरील जोशी किचन जवळ उभारलेल्या 'निर्माल्य श्रेडिंग प्रकल्पा'त जमा केलं जातं. या प्रकल्पात निर्माल्याची पावडर करून त्याचं सेंद्रिय खतात रुपांतर होतं. जगाचा पोशिंदा असलेल्या शेतकरी बांधवांना या सेंद्रिय खताचं विनामूल्य वाटप केलं जातं. दररोज एक टन निर्माल्यापासून साधारण 300 किलो खताची निर्मिती केली जाते.
रोटरी क्लबचे निनाद जोग यांनी दिलेल्या माहितीनुसार, गेल्या नऊ वर्षापासून हा उपक्रम राबवला जात आहे. या उपक्रमाअंतर्गत गणेशोत्सवात जमा होणाऱ्या निर्माल्यापासून खताची निर्मिती करतो. श्रीमंत दगडूशेठ हलवाई गणपती ट्रस्टचं यामध्ये मोठे सहकार्य मिळतं. गणोशोत्सवात दररोज सकाळी 9 ते 10 वाजण्याच्या दरम्यान टेम्पो त्यांच्याकडे पोहोचतो आणि वीस पोती म्हणजे साधारण एक टन निर्माल्य घेऊन येतो. यापासून तयार होणारं खत गरजू शेतकरी आणि सोसायट्यांना विनामूल्य दिलं जातं.