Modak Auction: तब्बल 1 लाख 85 हजारांचा मोदक! बाप्पाचा मोदक खरेदी करण्यासाठी भक्तांमध्ये चढाओढ

गणेशोत्सवाच्या काळात अनेक सार्वजनिक गणेश मंडळांकडून काही परंपरा जपल्या जातात. यात अंबरनाथमधील खाटूश्याम मित्र मंडळाचा देखील समावेश आहे. हे मित्र मंडळ बुवापाडा परिसरात सार्वजनिक गणेशोत्सव साजरा करतं. यंदा या मंडळाचं 33वं वर्ष होतं. हे मंडळ दरवर्षी मोदकाचा लिलाव करतं. या मंडळाकडून दरवर्षी अनंत चतुर्दशीच्या दोन दिवस आधी एक मोठा मोदक गणपती बाप्पा जवळ ठेवला जातो. या मोदकाचा अनंत चतुर्दशीला लिलाव केला जातो.