Manoj Jarange Patil : 'मराठा समाजाचे नव्हे तर ते...', मनोज जरांगेंवर जोरदार हल्लाबोल, वादाची नवी ठिणगी?

जालना: मराठा आरक्षणाचा प्रश्न अधिक गुंतागुंतीचा होत असताना दुसरीकडे समाजाच्या अंतर्गत आरक्षणाच्या जीआर वरून दावे-प्रतिदावे, आरोप-प्रत्यारोप सुरू झाले आहेत. मनोज जरांगे यांनी मराठा आरक्षण अभ्यासकांवर हल्लाबोल करताना दुसरीकडे आता जरांगेंच्या हेतूवर शंका उपस्थित केली जात आहे. मराठा समाजाचे समन्वयक आणि अभ्यासक डॉ. संजय लाखे पाटील यांनी आंदोलनाचे नेतृत्व करणारे मनोज जरांगे यांच्यावर कठोर टीका केली आहे. “मराठा आरक्षण हा जगन्नाथाचा रथ आहे, पण जरांगेंना वाटतं की तो एकट्याने ओढत आहेत,” अशा शब्दांत त्यांनी जरांगेंवर हल्लाबोल केला.