TRENDING:
तोंडी आहार सुरू, प्रकृती स्थिर
रुबी हॉल क्लिनिकचे चेअरमन आणि मुख्य हृदयविकार तज्ज्ञ डॉ. परवेझ ग्रँट यांनी दिलेल्या माहितीनुसार, शरद पवार यांची प्रकृती वैद्यकीयदृष्ट्या स्थिर आहे. त्यांनी आता तोंडी द्रवपदार्थ (Oral fluids) आणि हलका आहार घेण्यास सुरुवात केली आहे. त्यांच्या शरीरातील सर्व महत्त्वाचे घटक (Vital Parameters) सध्या सामान्य मर्यादेत आहेत.
advertisement
आणखी दोन दिवस निरीक्षणाखाली
पवारांची प्रकृती सुधारत असली तरी, त्यांना पूर्ण विश्रांती मिळावी आणि प्रकृतीची पूर्ण खात्री करून घेता यावी, यासाठी त्यांना आणखी दोन दिवस डॉक्टरांच्या निरीक्षणाखाली ठेवण्यात येणार आहे. त्यांना सध्या आवश्यक असलेले सपोर्टिव्ह केअर (Supportive care) उपचार दिले जात असल्याची माहिती रुग्णालयाच्यावतीने देण्यात आली. दोन दिवसानंतर शरद पवार यांना रुग्णालयातून डिस्चार्ज दिला जाण्याची शक्यता आहे.
शरद पवार यांना प्रकृतीच्या कारणास्तव रुबी हॉल क्लिनिकमध्ये दाखल करण्यात आले होते. तेव्हापासून त्यांचे कार्यकर्ते आणि हितचिंतक त्यांच्या प्रकृतीसाठी प्रार्थना करत होते. आता रुग्णालयाने दिलेल्या या सकारात्मक माहितीमुळे कार्यकर्त्यांना मोठा दिलासा मिळाला आहे.